Qazaqstan shekarasyn zańsyz kesip ótken Pákistannyń 4 azamaty sottaldy

TARAZ. QazAqparat - Jambyl oblysy Jambyl aýdandyq sotynda Qazaqstannyń memlekettik shekarasyn qasaqana zańsyz kesip ótý baby boıynsha aıyptalǵan 4 tulǵaǵa qatysty is qaraldy, dep habarlaıdy QazAqparat oblystyq sotqa silteme jasap.

Sottalýshylar – Pákistan Islam Respýblıkasynyń azamattary A, A, M. jáne M. 2022 jyldyń qazan aıynda «Jasórken» shekara bólimshesi ýchaskesiniń sol qaptalynda, ótkizý pýnktinen tys jerde Qyrǵyzstan aýmaǵynan memlekettik shekarany qasaqana zańsyz kesip ótken.

Prokýror A, A, M. jáne M-ǵa - 6 aıǵa bas bostandyǵyn aıyrý jáne 5 jyl merzimge Qazaqstan aýmaǵynan tysqary shyǵaryp jiberý jazasyn taǵaıyndaýdy surady.

Sottalýshylar aıybyn tolyq moıyndady.

Kiná is aıasynda jınalǵan dáleldemelermen, sottalýshylardyń aıǵaqtarymen dáleldendi.

Sot jaza taǵaıyndaý kezinde olardyń shyn júrekten ókinýin, kámeletke tolmaǵan balalarynyń bar ekenin jazany jeńildetin mán-jaı retinde tanydy.

Aýyrlatatyn mán-jaı joq.

Sot A, A, M. jáne M.-ǵa Qazaqstan aýmaǵynan 5 jyl merzimge shyǵaryp jibere otyryp, 6 aıǵa bas bostandyǵynan aıyrý jazasyn taǵaıyndady.

Úkim zańdy kúshine endi.