Qazaqstan shekarasy arqyly ótetin júk kólikterinen alynatyn tólem mólsheri bektildi

ASTANA. QazAqparat – QR Qarjy mınıstri Erulan Jamaýbaev «QR Memlekettik shekarasy arqyly avtomobıl kólik quraldaryn, júkter men taýarlardy ótkizý, sondaı-aq olardy elektrondyq kezek boıynsha ótýi úshin tólemaqy mólsherlerin aıqyndaý týraly» buıyryǵyna qol qoıdy. Ol keler jyldyń 1 qańtarynan kúshine enedi, dep habarlaıdy QazAqparat tilshisi.

«Qosa berilip otyrǵan QR Memlekettik shekarasy arqyly avtomobıl kólik quraldaryn, júkter men taýarlardy ótkizý úshin tólemaqy mólsheri bekitilsin. Osy buıryq 2024 jylǵy 1 qantardan bastap qoldanysqa engiziledi jáne resmı jarııalanýǵa tıis», - delingen Erulan Jamaýbaev qol qoıǵan buıryqta.

Qujattyń qosymshasynda kórsetilgendeı, endi elektrondyq kezek boıynsha ótý kezinde myna mólsherdegi tólemder alynady:

- Júk, onyń ishinde tirkemeleri bar avtomobılderdi, ershikti tartqyshtardy elektrondyq kezektiń avtomattandyrylǵan júıesinde brondaý kúni men ýaqytyna sáıkes Qazaqstan Respýblıkasynyń Memlekettik shekarasy arqyly ótkizý úshin – 1 AEK (3 450 teńge);

- Júk, onyń ishinde tirkemeleri bar avtomobılderdi, ershikti tartqyshtardy kezekten tys (jedeldetilgen) tártippen kórsetilgen ýaqyt kezeńinde shekara arqyly ótý kúnin aýystyrý múmkindigimen tólem jasalǵan kúnnen bastap – kúntizbelik 30 kún ishinde birneshe ret QR Memlekettik shekarasy arqyly ótkizý úshin – 100 AEK (345 000 teńge);

- Júk, onyń ishinde tirkemeleri bar avtomobılderdi, ershikti tartqyshtardy kezekten tys (jedeldetilgen) tártippen kórsetilgen ýaqyt kezeńinde shekara arqyly ótý kúnin aýystyrý múmkindigimen tólem jasalǵan kúnnen bastap – kúntizbelik 5 kún ishinde birneshe ret QR Memlekettik shekarasy arqyly ótkizý úshin – 50 AEK (172 500 teńge).

Qosa ketsek, keler jyldyń basynan Qazaqstandyq júk tasymaldaýshylarǵa shet memleketterdiń aýmaǵy arqyly ótý úshin beriletin ruqsat elektrondy formatta usynylady.