Qazaqstan shekarasynan Reseıge ushaq alyp ótpek bolǵan adam anyqtaldy

<p>ASTANA. KAZINFORM &ndash; Pavlodar oblysynyń shekarasynda júk kóligine AN-2T ushaǵyn salyp alyp, Reseıge zańsyz ótkizbek bolǵan adam anyqtaldy.</p>

Anyqtalǵandaı, er adamda ushaqtyń qujattary joq bolyp shyqty.

Pavlodar oblysy boıynsha memlekettik kirister departamentiniń ókilderi ushaq ıesiniń ony «Amangeldi» baqylaý-ótkizý beketi arqyly ótkizgisi kelgenin habarlady. Ushaqty júk kóligine tıep alǵan.

- Ushaqtyń salmaǵy - 3 tonna 600 keli. Er adam ony aýktsıonnan ózi úshin satyp alǵan. Biraq onyń arnaýly qujattary bolmaǵan, - dep habarlady memlekettik kirister departamentinen.

Ushaqtyń baǵasy 1,8 mln rýbldi quraıdy. Ákimshilik quqyq buzýshylyq jasaǵany úshin áýe kemesiniń ıesine 55 myń teńge aıyppul salyndy.

Elimizde jasóspirimder arasyndaǵy qylmys deńgeıi tómendep keletini týraly jazdyq.