Qazaqstan shekarashylary Kaspııde zańsyz bir tonna bekire aýlaǵandardy ustady
11:40, 30 Naýryz 2015
ASTANA. QazAqparat - «Jaǵalaý kúzetiniń» aımaqtyq basqarma shekarashylary brakonerlik jolmen balyq aýlaǵan Ázerbaıjannyń 4 azamatyn ustady. Bul týraly QR UQK Shekara qyzmetiniń baspasóz qyzmetinen habarlady.
Brakonerler QR UQK ShQ-niń «Taraz» shekaralyq kemesi ekıpajynyń talaptaryn oryndamaı, Qazaqstannyń aıdyndaǵy shekarasynan úlken jyldamdyqpen qashýǵa árekettengen.
«Olar aýaǵa eki ret eskertý oǵy atylǵan soń berildi. Qarý qoldanylǵannan eshkim zardap shekken joq. Shaǵyn qaıyqty tekserý barysynda jalpy salmaǵy 946 keli 240 dana bekire balyǵy anyqtaldy», delingen habarlamada. Atalǵan fakti boıynsha, quqyq qorǵaý organdaryna habarlandy. Tergeý amaldary júrgizilip jatyr.