«Qazaqstan» shahtasynyń dırektory bolǵan Májilis depýtaty ArselorMıttaldaǵy apat jaıly pikir bildirýden bas tartty
«Men óz pikirimdi basqa saıtqa berdim. Ol bir saǵattan keıin ıntervıýmen shyǵady. Fotografııalar, bári bar. Meniń pikirim bar», - dedi Erlan Qalyqov QazAqparat tilshisine.
Sondaı-aq Májilis depýtaty agenttik tilshisiniń QazAqparatqa da pikir bildirý ótinishine: «joq», - dep qysqa qaıyrdy.
Arman Qobylandyuly eńbek jolyn 1991 jyly Shahtınsk qalasyndaǵy V.Lenın atyndaǵy shahtada jerasty taý-ken jumysshysy bolyp bastaǵan jáne jerasty taý-ken jumysshysynan ýchaskeniń basshysyna deıingi joldan ótken. 2008 jyldan bıyl Qaraǵandy oblysynan birmandattyq okrýg boıynsha Májilis depýtaty bolyp saılanǵanǵa deıin «Arselor Mıttal Temirtaý» aktsıonerlik qoǵamynda túrli basshylyq qyzmette bolǵan. 2014-2015 jyldary «Qazaqstan» shahtasynyń dırektory qyzmetin de atqarǵan.
Eske salaıyq, «Qazaqstan» shahtasynda órt keshe, 17 tamyz kúni saǵat 10:05-te tutandy.
Apat kezinde jer astynda 227 kenshi boldy. 222 adamdy jer betine jedel kóterý múmkin boldy, osy ýaqytta úsh kenshiniń denesi tabyldy.
Aıta keteıik, Prezıdent «Qazaqstan» shahtasynda bolǵan órt sebebin anyqtaý úshin jan-jaqty tergeý júrgizýdi tapsyrdy.