«Qazaqstan» shahtasyndaǵy órt: Aýrýhanadaǵy shahterlerdiń jaǵdaıy belgili boldy

QARAǴANDY. QazAqparat – «Qazaqstan» shahtasyndaǵy órtten zardap shekken shahterlerdiń jaǵdaıy belgili boldy, dep habarlaıdy QazAqparat.

Qazirgi málimet boıynsha, aýrýhanada jatqan eki shahter jan saqtaý bóliminen toksıkologııa bólimine aýystyrylǵan.

«17 tamyzda «Professor H.J. Maqajanov atyndaǵy kópbeıindi aýrýhanasyna» 9 shahter jetkizildi. Olardyń ekeýi reanımatsııadan toksıkologııa bólimine aýystyryldy. Jaǵdaıy aýyrlaý. Aýyrlyǵy jedel ıntoksıkatsııa sındromy men entsefalopatııaǵa, gemodınamıkanyń turaqsyzdyǵyna, ýlanýdyń toksıkogendik kezeńine baılanysty. Gemodınamıkalyq kórsetkishter turaqty», - delingen habarlamada.

Qalǵan 7 adam toksıkologııa bóliminde. Olardyń jaǵdaıy – ortasha aýyr. Aýyrlyǵy jedel ıntoksıkatsııa sındromy men entsefalopatııaǵa baılanysty. Gemodınamıkalyq kórsetkishter turaqty.

Shahtınsk qalasynyń ortalyq aýrýhanasynyń terapevtik bólimshesine tórt zardap shekken adam kelip tústi, olardyń bireýi aýrýhanaǵa jatqyzýdan bas tartty (ambýlatorııalyq emdeýge jiberildi). Qalǵandarynyń jaǵdaıy ortasha aýyr dep baǵalanyp otyr.

18 tamyzdaǵy jaǵdaı boıynsha aımaqtyń medıtsınalyq mekemelerinde zardap shekken 13 kenshi bar.