«Qazaqstan» shahtasynda sóndirý jumystary jalǵasyp jatyr
Tótenshe jaǵdaılar mınıstrligi baspasóz qyzmetiniń málimetinshe, quramynda 28 taý-ken qutqarýshysy bar KÁAQQ RShO bes bólimshesi D6 qabatynyń konveıerlik kómir betkeıinde qalǵan órt oshaqtaryn sóndirip jatyr.
Shahtadaǵy temperatýra – 45 S°.
Eske salsaq, Qaraǵandy oblysyndaǵy «Qazaqstan» shahtasynda órt 17 tamyz kúni saǵat 10:05-te tutandy.
Apat kezinde jer astynda 227 kenshi boldy. 222 adamdy jer betine jedel kóterý múmkin boldy, segizi zardap shekti.
Shahtanyń astynda qalyp qoıǵan besinshi kenshiniń denesi tabyldy.
18 tamyzdaǵy jaǵdaı boıynsha medıtsına mekemelerinde órtten zardap shekken 11 kenshi em qabyldap jatty.
Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıtetiniń tóraǵasy Tólegen Ospanqulov málim etkendeı, «Qazaqstan» shahtasyndaǵy apat úshin jaýapty tulǵa 7 jylǵa deıin túrmege qamalýy múmkin.
Prezıdent Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.