«Qazaqstan» shahtasy kenshileriniń jalaqysy qansha

ASTANA. QazAqparat – «ArselorMıttal Temirtaý» taý-ken segmenti atqarýshy dırektorynyń orynbasary Sergeı Ogaı shahterlerdiń jalaqysyn atady, dep habarlaıdy QazAqparat tilshisi.

«Jumysshylardyń jalaqysyn shamamen aıta alamyn. Ol túrli jaǵdaılarǵa baılanysty. Ken óndirý ýchaskesiniń úńgýshisi shamamen 860-880 myń teńge jalaqy alady. Biraq ol úshin jospardy, tehnıka qaýipsizdigi men óndiristik kórsetkishtiń barlyq sharttaryn oryndaýy qajet. Bul –besinshi razrıadtaǵylardyń jalaqysy. Al qosalqy ýchaskeniń úshinshi razrıadty jerasty taý-ken jumysshysynyń jalaqysy 500-515 myń teńge shamasynda. Olar da tehnıka qaýipsizdigi men óndiristik kórsetkishtiń barlyq sharttaryn oryndaýy tıis», - dedi ol Qaraǵandy óńirlik kommýnıkatsııalar qyzmeti alańyndaǵy brıfıngte.

Eske salaıyq, «Qazaqstan» shahtasynda órt keshe, 17 tamyz kúni saǵat 10:05-te tutandy.

Apat kezinde jer astynda 227 kenshi boldy. 222 adamdy jer betine jedel kóterý múmkin boldy, segizi zardap shekti.

5 jumysshynyń taǵdyry belgisiz boldy. Keıin olardyń biriniń denesi tabyldy. Qalǵan 3 adamdy izdestirý jalǵasyp jatyr.

Qaraǵandydaǵy kómir shahtasynda zardap shekkenderdiń arasynda eki adam jansaqtaý bólimine jetkizilgeni týraly habarlaǵan edik.

Aıta keteıik, Prezıdent «Qazaqstan» shahtasynda bolǵan órt sebebin anyqtaý úshin jan-jaqty tergeý júrgizýdi tapsyrdy.