«Qazaqstan» shahtasynda bes adamnyń ólimine sebep bolǵan órtke 100 paıyz jumys berýshi kináli - mınıstr

<p><span style="font-family: 'Times New Roman', 'serif'; font-size: 14pt;">&laquo;</span><span style="font-family: sans-serif; font-size: 18px;">Qazaqstan</span><span style="font-family: 'Times New Roman', 'serif'; font-size: 18.6667px;">&raquo;</span><span style="font-family: sans-serif; font-size: 18px;">&nbsp;shahtasyndaǵy 5 kenshi qaza bolǵan qaıǵyly oqıǵa jónindegi úkimettik komıssııa tergeý nátıjesin jarııalady. Saraptama qorytyndysy boıynsha jumys berýshi 100% kináli dep tanyldy, dep habarlaıdy QazAqparat tilshisi.&nbsp;</span></p>

QR TJ mınıstri Syrym Sháriphanov úkimettik komıssııanyń tergeý qorytyndysyn jarııalady. Belgili bolǵandaı, órt tutanýyna birneshe faktor sebep bolǵan.

«Tekseris belgilengen talaptarǵa saı ótti. Komıssııanyń saraptamalyq qorytyndysy apat pen jazataıym oqıǵanyń negizgi sebepterin anyqtap berdi. Birinshisi - kómir konveıerindegi órt mehanıkalyq energııanyń jylý energııasyna aýysýynan shyqty. Konveıerdiń keptelip qalǵan rolıgindegi taspa tóseminiń úıkelýine baılanysty ot tutanǵan. Ekinshisi - «Qazaqstan» shahtasynyń ınjenerlik-tehnıkalyq quramy tarapynan baqylaý óndirisiniń bolmaýy. Sondaı-aq, qaýipsizdik tehnıkasynyń saqtalmaýy jáne energııa-mehanıkalyq qyzmettiń álsiz baqylanatyny anyqtaldy. Úshinshisi – qaýipsizdik talaptaryn jáne tehnıkalyq retteý normalaryn buzý. Bul degenimiz - sáıkestik sertıfıkatynsyz taspa tósemin paıdalaný. Sońǵysy, jumys aımaǵynyń tozańdanýy men janǵysh zattardan, taý-ken qazbalarynan aýanyń gazdanýy shahta qyzmetkerleriniń ólimine ákep soqty», - dep atap ótti QR TJ Mınıstri Syrym Sháriphanov.

Budan basqa, eńbek zańnamasy normalarynyń buzylýy jáne anyqtaý júıesine qyzmet kórsetetin mamandardyń jetkiliksizdigi, basqarý qurylymy ózgergen kezde olardy laýazymǵa taǵaıyndaǵanǵa deıin jaýapty basshylarǵa laýazymdyq nusqaýlyqtyń bolmaǵany anyqtaldy. 

«Komıssııa jumysynyń nátıjesi boıynsha jumys berýshiniń 100% kináli ekeni anyqtaldy. Zańnamany buzǵan 28 jaýapty tulǵa belgili boldy», - dedi Syrym Sháriphanov.

Eske salaıyq, Qaraǵandy oblysyndaǵy «Qazaqstan» shahtasynda órt 17 tamyz kúni shyqqan bolatyn.

Apat kezinde jer astynda 227 kenshi boldy. 222 adamdy jer betine jedel kóterý múmkin boldy, segizi zardap shekti.

Shahtanyń astynda qalyp qoıǵan bes kenshiniń denesi tabyldy.

18 tamyzdaǵy jaǵdaı boıynsha medıtsına mekemelerinde órtten zardap shekken 11 kenshi em qabyldap jatty.

Prezıdent Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.