Qazaqstan shahmatshylary Úndistanda ótetin olımpıadada úzdik úshtikke enýdi josparlap otyr

ALMATY. QazAqparat - Ýkraınalyq shahmatshy, grossmeıster, Qazaqstan áıelder quramasynyń jattyqtyrýshysy Aleksandr Moıseenko aldaǵy búkilálemdik shahmat olımpıadasynda komanda aldynda úzdik úshtikke ený mindeti turǵanyn aıtty, dep habarlaıdy QazAqparat tilshisi.

«Bizdiń áıelder komandasy óte myqty. Biz medal alyp, úzdik úshtikke kirý úshin bar kúsh-jigerimizdi salamyz. Básekelester de, qarsylastar da myqty. Bul reıtıngtik jarystyń favorıtteri - Úndistan quramasy, sonymen qatar olar óz alańynda oınaıdy. Sondaı-aq bizdiń básekelesterimiz - Ýkraına, Grýzııa, Polsha, AQSh, Ázerbaıjan», - deıdi Aleksandr Moıseenko.

Onyń aıtýynsha, bul elderdiń erler quramasy da myqty. Qazaqstan erler quramasy úshin eń bastysy – reıtıngti kóterý, úzdik 20-lyqqa ený.

«Bul olar úshin óte jaqsy nátıje bolady. Bizde azdap basqa tapsyrmalar bar. Jigitter myqty, bolashaǵy zor. Biz olarǵa senemiz», – deıdi bapker.

Qazaqstan áıelder quramasy sapynda Jansaıa Ábdimálik, Dınara Sádýaqasova, Bıbisara Asaýbaeva, Merýert Kamalıdenova jáne Gúlishan Nahbaeva bar.

Erler quramasynda Rınat Jumabaev, Murtas Qajǵalıev, Denıs Mahnev, Jandos Aǵmanov jáne Arystanbek Ýrazaev óner kórsetedi.

Qazir sportshylar Almatyda birge jattyǵyp jatyr. Olar 26 shildege deıin osynda bolady, odan keıin Úndistanǵa ushady.

Aıta keteıik, 28 shilde men 10 tamyz aralyǵynda Úndistannyń Chennaı qalasynda shahmatshylardyń 44-shi Olımpıadasy ótedi.