Qazaqstan shahmat federatsııasy rebrendıng pen búkilqazaqstandyq týrnır týraly málimdedi
«Biz brendti qaıta qarap, ony jarqyn jáne este qalarlyq maǵynasy mol dúnıemen tolyqtyrǵymyz keledi. Óıtkeni jarqyn beınesiz eshqandaı progress týraly aıtý múmkin emes. Bálkim, bul XXI ǵasyrda balamasy joq jol shyǵar. Bul búgingi kúnniń shyndyǵy. Dese de, jasalǵan rebrendıng – aıasy tar maqsat nemese jaı ǵana grafıkalyq ózgeris emes. Bul bizdiń qundylyqtarymyzdyń, evolıýtsııamyzdyń jáne kemeldikke degen umtylysymyzdyń kórinisi», — dep atap ótti QShF prezıdenti Tımýr Týrlov.
Jańartylǵan fırmalyq stıl elimizdiń mádenı tereńdi men bolashaqqa ashyqtyǵyn kórsetetin dástúr men qazirgi zamannyń úılesimi. Onyń negizinde ál-aýqat pen molshylyqty beıneleıtin, qazaq mádenıetindegi danalyqtyń nyshanymen jáne shahmattaǵy erekshe fıgýra – attyń beınesimen toǵysqan ejelgi «Múıiz» oıý-órnegi jatyr. Ótken men búginniń ushtasýy Federatsııanyń Qazaqstandy baı tarıhı muranyń saqtaýshysy retinde ǵana emes, shahmatty damytý úshin ozyq tehnologııalardy paıdalanatyn álemdik qoǵamdastyqtyń progressıvti qatysýshysy retinde kórsetýge degen umtylysyn bildiredi.
«Jalpy rebrendıngtiń aýqymyna tek kórneki beıneler ǵana jasyrylmaǵan, oǵan QShF jumysyndaǵy júıeli ózgerister, sondaı-aq bizdiń jumysymyzdyń odan arǵy josparlary da kiredi. Osy turǵyda bizdiń federatsııamyz kezeń-kezeńimen aýqymdy sharalar keshenin júzege asyrýda. Solardyń biri – fılıaldyq jelini damytý. Bul óte mańyzdy másele. Al osy fılıaldar jergilikti jerlerde túrli baǵdarlamalardy iske asyrý kezinde jumystyń negizgi quralyna aınalýy tıis», — dep qosty QShF prezıdenti Tımýr Týrlov.
QShF prezıdentiniń aıtýynsha, fılıaldyq jelini damytýdyń mańyzdy qozǵaýshy kúshi respýblıkalyq «Shahmat kerýeni» jobasy bolýy tıis.
«Shahmat kerýeni» – Qazaqstannyń barlyq óńirlerinde shahmat sportyn nasıhattaýǵa baǵyttalǵan órshil joba. Jobany ázirleýde shabyttandyrǵan Uly Jibek joly boldy, óıtkeni ol búkil álem boıynsha saýda-sattyqpen qatar ártúrli halyqtardyń mádenı jáne sporttyq muralaryn alyp júrdi. Qazaqstan aýmaǵyndaǵy qalalarda «Shahmat kerýenin» uıymdastyra otyryp, Federatsııa bas seriktes Freedom Broker-diń qoldaýymen óńirlerde shahmat sportyn nyǵaıtýǵa jáne fılıaldardyń senimdi jelisin qurýǵa umtylady», — dep bólisti QShF atqarýshy dırektory Gúlmıra Dáýletova.
«Shahmat kerýeni» aıasynda Qazaqstannyń 20 qalasynda blıts boıynsha ashyq shaǵyn týrnırler ótedi, onyń sharyqtaý shegi iri júlde qory tigilgen grand-fınal bolady. Óńirlik týrnırler 12 qyrkúıekte Kókshetaýda, 14 qyrkúıekte Petropavlda, 18 qyrkúıekte Qostanaıda, 21 qyrkúıekte Qaraǵandyda, 24 qyrkúıekte Pavlodarda, 26 qyrkúıekte Semeıde, 28 qyrkúıekte Óskemende, 2 qazanda Taldyqorǵanda, 4 qazanda Qonaevta, 7 qazanda Tarazda, 9 qazanda Shymkentte, 11 qazanda Túrkistanda, 13 qazanda Qyzylordada, 18 qazanda Jezqazǵanda, 22 qazanda Aqtóbede, 25 qazanda Oralda, 28 qazanda Atyraýda jáne 2 qarashada Aqtaýda ótedi. Óńirlik kezeńderdiń jeńimpazdary 10 qarasha kúni Túrkistan qalasynda ótetin grand-fınalda kezdesedi.
«Ár qaladan úsh qatysýshy iriktelip, olar grand-fınalǵa joldama alady. ıAǵnı, aqshalaı syılyq utyp alýǵa múmkindikteri bar. Birinshi orynǵa 5 mlnn teńge, ekinshi orynǵa 2,5 mln teńge, úshinshi orynǵa 1 mln teńge qarastyrylǵan. Shaǵyn týrnırler qalaı ótedi? Biz jańa logotıpi bar erekshe kıiz úı bolatyn úlken fýrgondy iske qosamyz. Bizdiń top alańǵa kelip, kıiz úı tigip, 20 adamǵa týrnır ótkizedi. Bul irikteýden ótkender. Osydan keıin kıiz úı bólshektelip, basqa qalaǵa ornatylady. Sonymen 20 qalaǵa saıahat jasaımyz» , - dep qosty Gúlmıra Dáýletova.
QShF birinshi vıtse-prezıdenti, Azııa shahmat federatsııasynyń vıtse-prezıdenti Dármen Sádýaqasov ótken kezeńde federatsııa álemdik shahmat kartasynda oıyp oryn alǵanyn atap ótti.
«Qazaqstan birneshe ret ártúrli Álem, Azııa chempıonattarynyń, Shahmat táji úshin match sııaqty mańyzdy oqıǵalardyń ortalyǵyna aınaldy. Bizdiń rebrendıng – bul bizdiń óz aldymyzǵa órshil mindetter qoıǵan jańa kezeńniń beınesi. Mysaly, «Mekteptegi shahmat» jobasy aıasynda biz úkimetpen, ákimdiktermen birlese otyryp, 5 jyl ishinde bastaýysh synyp balalarynyń 20%-na deıin qamtýdy josparlap otyrmyz. Bul eldegi shahmattyń damýyna úlken serpin beredi jáne zııatkerlik ulttyń qalyptasýyna qosylǵan úlken úles bolady», — dedi ol.
Aıta keteıik, QShF Freedom Broker ınvestıtsııalyq kompanııasynyń qoldaýymen Qazaqstanda shahmatty damytýǵa baǵyttalǵan úlken maqsat qoıyp otyr.