Qazaqstan shahmat federatsııasy men FIDE shahmat úıretýdiń tıisti júıesin engizýdi talqylady
Qazaqstannyń Izraıldegi Elshisi Satybaldy Burshaqov pen Qazaqstan shahmat federatsııasynyń prezıdenti Tımýr Týrlov Izraıldiń Tel-Avıv qalasynda FIDE bas dırektory Emıl Sýtovskıımen kezdesti.
«Taraptar bıyl kóktemde Astanada ótetin shahmattan álem chempıony ataǵy úshin matchty talqylady. E.Sýtovskıı Qazaqstandaǵy shahmat sportynyń damýyna jáne elimizdiń álemdik shahmat arenasyndaǵy jetistikterine joǵary baǵa berdi.
Kezdesýge qatysýshylar sondaı-aq Qazaqstan shahmat federatsııasy men FIDE arasyndaǵy yntymaqtastyqty damytý perspektıvalaryn, onyń ishinde shahmat úıretýdiń tıisti júıesin engizý máselelerin qarastyrdy.
Kezdesý qorytyndysy boıynsha taraptar Qazaqstan shahmat federatsııasy men FIDE jelisi boıynsha ekijaqty baılanystardy jandandyrýǵa járdemdesýge kelisti», - delingen SІM habarlamasynda.
Eske salaıyq, Tımýr Týrlov QR shahmat federatsııasynyń prezıdenti bolyp bıylǵy 18 qańtarda saılanǵan bolatyn. 23 qańtarda T.Týrlov Prezıdent Qasym-Jomart Toqaevpen elimizde shahmatty damytý máselelerin talqylady. Sondaı-aq Memleket basshysyna álem chempıony ataǵy úshin bıyl sáýir aıynda Astanada ótetin shahmat jarysyna daıarlyq barysy týraly baıandaldy.
Foto: gov.kz