Qazaqstan Semeı polıgonynyń jabylǵan kúninde málimdeme jasady

ASTANA. QazAqparat - QR Syrtqy ister mınıstri Qaırat Ábdirahmanov pen ıAdrolyq synaqtarǵa jappaı tyıym salý týraly shart uıymynyń atqarýshy hatshysy Lassın Zerbo birlesken málimdeme qabyldady, dep habarlaıdy QazAqparat tilshisi.

Málimdeme mátini elordada ótip jatqan «Ótkendi eske alyp, bolashaqqa kóz tik» atty halyqaralyq konferentsııada jarııa etildi.

«Qazaqstan Respýblıkasynyń Prezıdenti Nursultan Nazarbaevtyń bastamasymen Birikken Ulttar Uıymynyń Bas assambleıasy jarııa etken Halyqaralyq ıadrolyq synaqtarǵa qarsy is-qımyl kúnine oraı biz ıadrolyq synaqtan azat álem qurýǵa shynaıy berilgendigimizdi qýattaımyz jáne ıAdrolyq synaqtarǵa jappaı tyıym salý týraly shartynyń kúshine enýine qoljetkizýge tabandylyq tanytatyndyǵymyzdy taǵy da málimdeımiz», - delingen málimdemede.

Sonymen qatar taraptar 29 tamyzdyń Qazaqstan úshin nyshandyq máni bar ekendigin atap ótken. Óıtkeni, 1991 jyldyń dál osy kúninde Semeı ıadrolyq polıgony jabylǵan bolatyn.

«1991 jyldyń 29 tamyzynda Qazaqstan Prezıdenti júzege asyrǵan Semeı polıgonyn jabý týraly tarıhı sheshim qýatty saıası joldaý bolyp sanalady jáne halyqaralyq kúsh-jigerdiń járdemimen 1996 jyly ıAdrolyq synaqtarǵa jappaı tyıym salý týraly sharttyń qabyldanýyna túrtki boldy. Kóptegen jyldar boıy Qazaqstan ıAdrolyq synaqtarǵa jappaı tyıym salý týraly shart uıymyna jan-jaqty qoldaý kórsetti jáne ıadrolyq qarýdy joıýǵa tabandy túrde qoldap keldi», - delingen málimdemede.