Qazaqstan segiz aıda 44 mln tonna munaı eksporttady
Úkimet otyrysynda Energetıka mınıstri Maǵzum Myrzaǵalıev osyndaı málimet usyndy.
«Kórsetilgen kezeńde 56,1 mln tonna munaı jáne kondensat óndirildi. Bul – osy jylǵa josparlanǵan kórsetkishtiń 99,3 paıyzy. Eseptik kezeńde «Qarashyǵanaq» jobasynda jospardyń tolyq oryndalmaýy baıqalady. ıAǵnı, kesteden qalyp barady. Sebebi, Orynbor gaz óńdeý zaýytynda jóndeý jumystarynyń júrgizilýine baılanysty gaz qabyldaý shekteldi», - degen mınıstr munaı-gaz salasyndaǵy iri kompanııalardyń kórsetkishterine toqtaldy.
«Teńiz» jobasynda atalǵan kezeńde 17,1 mln tonna munaı óndirildi. ıAǵnı osy jylǵy jospar 100 paıyz oryndaldy. Qashaǵan nemese Soltústik Kaspıı jobasynda munaı óndirý kólemi 10,2 mln tonnaǵa jetip, jospar asyra oryndaldy. «Qarashyǵanaq» jobasy boıynsha 7,8 mln tonna munaı óndirilip, jospar 93 paıyz oryndaldy. Osy esepti kezeńde 44 mln tonna munaı eksporttaldy. ıAǵnı 8 aıdyń jospary 100 paıyz oryndaldy», - dedi vedomstvo basshysy.
Onyń aıtýynsha, gaz óndirý jospary 98 paıyz oryndalǵan.
«Gazǵa kelsek, esepti kezeńde 35,5 mlrd tekshe metr gaz óndirildi. Bul osy jylǵa josparlanǵan kórsetkishtiń 98 paıyzyna teń. Gaz óndirisiniń tómendeýi munaı óndirý kólemine tikeleı baılanysty. Óıtkeni ol munaı óndirý kezinde alynatyn ilespe gaz bolyp otyr. Taýarlyq gazdyń ishki tutyný kólemi josparmen salystyrǵanda 12 paıyz ósip, 11,6 mlrd tekshe metrge jetti», - dedi mınıstr.