Qazaqstan saıatshylyq ónerdi ıÝNESKO-ǵa tól murasy retinde engizgen 13-shi el bolmaq
Bul týraly búgin Astanada QR ıÝNESKO jáne ISESKO isteri jónindegi ulttyq komıssııasynyń otyrysynda QR Mádenıet jáne aqparat mınıstri Muhtar Qul-Muhammed málim etti.
«Bylaı qarasaq, biz óz ishimizde tek Qazaqstannan basqa eshkim búrkit, qyran qustarmen ańshylyq jasamaıtyn bolyp kórinedi. Biraq shyntýaıtyna kelgende, muny tek kóshpeli elder ǵana emes, Eýropanyń elderi de ózderine áldeqaıda enshilep, bekitip aldy. Tizimge ilikpeı qalǵan Qazaqstan. 2010 jyly qyran quspen ańshylyq jasaý adamzattyń materıaldyq emes murasy tizimine Saýd Arabııasy, Birikken Arab Ámirlikteri, Ispanııa, Frantsııa, Mońǵolııa, Morokko, Katar, Slovakııa, Sırııa, Chehııa jáne Ońtústik Koreıa memleketteri engen. Al saıatshylyq 12 halyqtyń tól mádenı murasy dep tanylǵan. Biz on úshinshi el retinde enemiz», - dep atap kórsetti mınıstr.
M.Qul-Muhammedtiń aıtýynsha, qazirgi ýaqytta Qazaqstan 15-ten astam mádenı murany ıÝNESKO tizimine engizý boıynsha usynystardy daıyndaýda. Ol tizimge eń birinshi bolyp - saıatshylyq, Naýryz merekesi, Qyrǵyzstanmen birge aıtys óneri men kıiz úı, dombyra men qobyz kúıleri, Bashqurtstanmen birge sybyzǵy kúıleri engen. Sondaı-aq qazaqtyń «Qyz jibek» lıro-epostyq jyry enýi múmkin.
«Máselen, 2009 jyly Naýryzdy Úndistan, Iran, Qyrǵyzstan, Ózbekstan, Pákistan, Túrkııa sııaqty jeti memlekettiń atynan búkil dúnıejúzilik tizimge qosqan. Bul tizimde Qazaqstan joq. Ol da bizdiń materıaldyq emes mádenı muramyzdyń bir bólshegi retinde usynys daıyndalyp engizilip otyr», - dedi M.Qul-Muhammed.
Aıta keteıik, 2000 jyldan beri qaraı ıÝNESKO uıymymen materıaldyq emes muranyń Búkilálemdik tizimi jasalýda. 2003 jyldan beri osy Konventsııaǵa dúnıejúzinen 90-nan astam memleket qatysyp otyr. 350-den astam álem halyqtarynyń materıaldyq emes murasynyń tizimi jasaldy. Bul tizim jyl saıyn tolyqtyrylý ústinde. Endi osyǵan sáıkes, qazir Qazaqstannan qandaı atalym boıynsha osy tizimge qundylyqtar engizeletini jóninde usynystar daıyndalýda.