Qazaqstan Saýd Arabııasynyń ekstremızmmen kúres tájirıbesimen tanysty

ASTANA. QazAqparat - Qazaqstan Respýblıkasy Bas prokýratýrasynyń delegatsııasy Bas prokýrordyń orynbasary M. M. Ahmetjanovtyń basshylyǵymen jumys saparmen Saýd Arabııasy Koroldigine bardy.

Qabyldaýshy tarappen Koroldiktiń ekstremızmmen jáne terrorızmmen kúres, sottalǵandardy ońaltý jáne elektrondy qylmystyq ister boıynsha oń tájirıbesin usyný uıymdastyryldy, dep habarlaıdy vedomstvonyń baspasóz qyzmeti.

Delegatsııa aımaqtyq prokýratýralardyń, hanzada Mohammad Bın Naıftyń atyndaǵy ósıet jasaý jáne qamqorlyq ortalyǵynyń, ekstremızm men terrorızm úshin qamalǵan jáne sottalǵan tulǵalar úshin túzetý kolonııalarynyń jumysymen tanysty. 

Sapardyń nátıjeleri boıynsha Qazaqstannyń quqyq qorǵaý jáne arnaýly organdarynyń jumysyna oń bastamalardy engizý boıynsha jospar ázirlendi.