Qazaqstan sarbazdary UQShU-nyń «Shekara-2022» oqý-jattyǵýyna qatysyp jatyr

ASTANA. QazAqparat - Tájikstannyń «Harbmaıdon» polıgonynda Ortalyq Azııa óńiriniń jedel óristetý ujymdyq kúshteriniń (JÁUK) bólimshelerimen «Shekara-2022» birlesken oqý-jattyǵýy bastaldyǵ dep habarlaıdy QazAqparat QR Qorǵanys mınıstrliginiń baspaóz qyzmetine silteme jasap.

Qazaqstannan «Astana» óńirlik qolbasshylyǵy áskerleri qolbasshysynyń birinshi orynbasary – shtab bastyǵy polkovnık Baǵlan Óserbaevtyń basshylyǵymen Desanttyq-shabýyldaý áskerleriniń bólimshesi jumyldyryldy.

Birinshi kezeńde taýly jerlerde zańsyz qarýly quralymdardy joıý boıynsha jedel áreket etý ujymdyq kúshteriniń birlesken operatsııasyn daıyndaý júzege asyrylýda. Ekinshi kezeńde bólimshelerdi basqarý, jaýyngerlik toptardy buǵattaý jáne joıý máseleleri pysyqtalyp, memlekettik shekaradaǵy jaǵdaıdy qalpyna keltirý maqsatynda jaýyngerlik jáne arnaıy is-qımyldar júrgiziletin bolady.

Jattyǵýdyń sheshýshi kezeńi «Harbmaıdon» polıgonynda 20-21 qazan aralyǵynda ótedi.