Qazaqstan sarbazdary taýly aımaqtarda oqý-jattyǵý ótkizip jatyr

NUR-SULTAN. QazAqparat –QR QK Armııa ortalyq sport klýby taýly daıyndyq ortalyǵynyń bazasynda  ofıtserleri men áskerı qyzmetshileriniń taýdaǵy daıyndyq oqýy ótýde, dep habarlaıdy QR Qorǵanys mınıstrliginiń baspasóz qyzmeti.

Bir aı boıy 35 áskerı qyzmetshi 133 saǵat teorııalyq jáne praktıkalyq daıyndyqtan ótedi.

Oqý bazasyna Bas shtabynyń bastyǵy Murat Bektanov bardy. Ol sabaqtardyń ótkizilý barysyn tekserip, áskerı alpınısterdiń daıyndyq deńgeıine joǵary baǵa berdi.

Sondaı-aq general-maıor M. Bektanov maıor Amanjol Rahmetov, kapıtan Maqsut Jumaev jáne aǵa leıtenant Vasılıı Pıvtsovpen kezdesip, qoıylǵan tapsyrmalardy oryndaýdaǵa kásipqoılyq pen jedeldik úshin alǵys aıtty. Keshe ǵana áskerı alpınıster Qyrǵyzstandaǵy Jeńis shyńynda joǵalǵan qazaqstandyqtardy izdestirý boıynsha operatsııadan oraldy. 

Áskerı qyzmetshiler izdestirý-qutqarý jumystary barysyndaǵy tájirıbesimen bólisedi jáne taýlardaǵy shtattan tys jaǵdaılarǵa ázirlikterin arttyrý úshin sheberlik sabaqtaryn ótkizedi.

Daıyndyqtyń alǵashqy tsıkli aıaqtalysymen oqyp-úırenýshilerge alpınızmnen «QR alpınısti» belgisi bar «3-shi sporttyq razrıad» beriledi.