Qazaqstan sarbazdary bıylǵy Armııa oıyndaryna qatysý úshin Reseıde daıyndyqty bastady
Baıqaýǵa qatysý úshin 3 negizgi jáne 1 rezervtik eseptop iriktelip alyndy.
Konkýrsqa daıyndalý kezinde áskerı qyzmetshi hımıkter barlaý-hımııalyq mashınalarda jeke jarysty, hımııalyq zaqymdaý qózin izdestirýdi, arnaıy óńdeýdi júrgizý men atys-shabýyldaý jolaǵynda máreni, sondaı-aq estafeta men atys daıarlyǵyn pysyqtaıdy.
Áskerı qyzmetshilerdi irikteý kezinde olardyń psıhologııalyq turaqtylyǵy, dene tózimdiligi, kásibı daǵdysy men atys darıalyǵynyń baǵasy zerdelendi. «Qaýipsiz orta - 2016» baıqaýynyń erejesi negizinde daıyndyq jospary ázirlendi, apta saıyn daıarlyq pánderi boıynsha sabaq kestesi jasalady. Odan basqa, barlyq kedergilermen «Býnkovo» polıgony jeriniń boljaldy sulbasy quryldy.
Kún saıyn qatysýshylardyń tańǵy ýaqyty dene daıarlyǵynan, ıaǵnı, jyldamdyq pen kúshti damytýǵa arnalǵan jattyǵýdan bastalady.
Bólim aýmaǵynda jergilikti jerde ıondalǵan sáýlelený kózin aıqyndaý boıynsha praktıkalyq sabaqtar ótkiziledi. Avtodromda jaýyngerlik barlaý mashınasy is júzinde júrgiziledi, sondaı-aq jeke quram júzý boıynsha jattyǵý ótkizedi. Saıysqa qatysýshylardy daıyndaý maqsaty QR Qarýly Kúshteriniń RHBQ áskerleri arasynda Gvardeısk kentinde ótetin «Qaýipsiz orta» baıqaýynyń irikteý aınalymynan ótý. Atalǵan saıysqa qatysýshy debıýtant Reseı Federatsııasynda elimizdiń namysyn qorǵaıtyn bolady. Bólimshelerdiń is-qımyldarynyń úılesimdiligine, ár mamannyń biliktiligi men teorııalyq bilimine, oraǵytýdy sheber oryndaýyna, tájirıbesine, ekıpaj eseptoptary arasyndaǵy ózara is-qımylǵa erekshe nazar aýdarylatynyn aıta keteıik, delingen habarlamada.