Qazaqstan sarbazdary UQShU Ujymdyq bitimgerlik kúshterimen birlesken oqý-jattyǵýǵa qatysady

<p>Qazaqstannyń áskerı qyzmetshileri &laquo;Myzǵymas baýyrlastyq-2023&raquo; UQShU Ujymdyq bitimgerlik kúshterimen birlesken oqý-jattyǵýǵa qatysady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> QR Qorǵanys mınıstrliginiń <a href="https://www.gov.kz/memleket/entities/mod/press/news/details/631888?lang=kk" target="_blank" rel="noopener">resmı saıtyna</a> silteme jasap.</p>

Baspasóz qyzmetiniń málimetterine qaraǵanda, UQShU ujymdyq qaýipsizdik júıesiniń kúshteri men quraldaryn basqarý organdary men quramalaryn birlesip daıarlaýdyń 2023 jylǵy 6-13 qazan aralyǵyndaǵy kezeńge arnalǵan josparyna sáıkes Qyrǵyzstan Qarýly Kúshteriniń oqý-jattyǵý ortalyǵynyń polıgonynda (Balyqshy qalasy) «Myzǵymas baýyrlastyq-2023» Ujymdyq bitimgerlik kúshterimen birlesken oqý-jattyǵýy josparlanǵan.

Oǵan Belarýs, Qazaqstan, Qyrǵyzstan, Reseı jáne Tájikstannyń áskerı kontıngentteri qatysady. Oqý-jattyǵýdyń negizgi mindeti – beıbitshilikti saqtaý jónindegi operatsııany júrgizý kezinde UQShU Ujymdyq bitimgerlik kúshteriniń áskerı kontıngentteriniń úılesimdiligin arttyrý.

Qazaqstan Respýblıkasynyń Qarýly Kúshterinen Desanttyq-shabýyldaý áskerleriniń jeke quramy tartylady. Oqý-jattyǵý sheńberinde qazaqstandyq áskerı qyzmetshiler avtomobıl jáne brondy tehnıkamen Almatydan Balyqshy qalasy baǵytyna qaraı júrip ótedi.

Foto: QR Qorǵanys mınıstrliginiń baspasóz qyzmeti