Qazaqstan sarapshylary Prezıdenttiń Májiliste saılaý ótkizý týraly sheshimin qoldap otyr

ASTANA. QazAqparat - Qazaqstandaǵy sarapshylardyń 98,4 paıyzy Memleket basshysynyń Májiliste merziminen buryn saılaý ótkizý týraly sheshimin qoldaıdy. Búgin Ortalyq kommýnıkatsııalar qyzmetindegi brıfıngte «Demokratııa ınstıtýty» ǵylymı-zertteý qaýymdastyǵy» qoǵamdyq birlestiginiń jobalar boıynsha dırektory ıÝlııa Kýchınskaıa osylaı málim etti.

«Sarapshylardyń 97,9 paıyzy saılaý ókildik organdardyń quramyn sapaly jańartýǵa múmkindik beretinin, bul óz kezeginde eldiń strategııalyq maqsattaryn júzege asyrýmen baılanysty jobalardy údemeli iske asyrýǵa jol ashatynyn alǵa tartýda. Sonymen qatar sarapshylardyń 93,1 paıyzy kezekten tys parlamenttik saılaýdy ótkizý týraly bastama qarjylyq jáne uıymdastyrý shyǵystaryn ońtaılandyra otyryp, Májilis pen barlyq deńgeıdegi máslıhattar saılaýyn qıystyrýǵa múmkindik beretinin atap ótýde», - dedi ıÝ.Kýchınskaıa.

Onyń sózine qaraǵanda, sarapshylardyń 98,4 paıyzy Elbasynyń besinshi shaqyrylǵan Parlament Májilisin taratý jáne Májilis depýtattarynyń kezekten tys saılaýyn taǵaıyndaý týraly sheshimin qoldap otyr. Munymen qosa, olardyń 96,8 paıyzy saılaýdy 2016 jyldyń naýryzynda ótkizý ýaqytyly qadam ekenin paıymdaýda.

Saýalnamaǵa qatysqan sarapshylardyń arasynda memlekettik qyzmetkerler, bıznesmender, BAQ jáne azamattyq qoǵam ókilderi bar.