«Qazaqstan» RTRK Golovkınniń jekpe-jegin tikeleı efırde kórsetedi
«Sizdermen taǵy da bir jaqsy jańalyqpen bóliskimiz kelip otyr. Birneshe apta boıy júrgizilgen kelissózderdiń nátıjesinde búgin túnde amerıkandyq áriptesterimizben naqty kelisimge kelip, qazaqstandyqtardyń kópten kútip otyrǵan Genadıı Golovkınniń kezekti jekpe-jegin «Qazaqstan» jáne «Qazsport» telearnalary arqyly tikeleı translıatsııa jasaýǵa qol jetkizdik. Bul kelissózder uzaqqa sozyldy, degenmen de áriptesterimizben qalyptasqan jaqsy baılanystardyń nátıjesinde kelissózder ýaqytyly aıaqtalyp, aldaǵy translıatsııanyń negizgi sharttary men tehnıkalyq parametrleri eki jaqty qarastyrylyp sheshimin tapty», - dep jazdy E.Qarın Feısbýktegi paraqshasynda.
Aıta keteıik, Gennadıı Golovkın men Saýl Alvarestiń qarymta jekpe-jegi 15 qyrkúıekte AQSh-tyń Las-Vegas qalasynda ótedi. Ýaqyt aıyrmashylyǵyna baılanysty atalǵan boks keshi Qazaqstanda 16 qyrkúıekte tańerteń bastalady.