Qazaqstan RF men AQSh-tyń Sırııadaǵy bitim týraly ýaǵdalastyǵyn qoldaıdy
«Qazaqstan Respýblıkasy 2016 jyldyń 9 qyrkúıeginde Jenevada Reseı Federatsııasynyń Syrtqy ister mınıstri Sergeı Lavrov pen Amerıka Qurama Shtattarynyń Memlekettik hatshysy Djon Kerrıdiń arasynda sırııalyq daǵdarysty retteýdiń jalpy josparyn ázirleý boıynsha qol jetkizilgen ýaǵdalastyqty qoldaıdy», - delingen málimdemede.
Qazaqstannyń syrtqy saıası vedomstvosy janjalǵa qatysýshy barlyq tarapty jospardy múltiksiz oryndaýǵa jáne Sırııany saıası retteý boıynsha sırııaaralyq kelissózderdi jańǵyrtý úshin qolaıly jaǵdaı jasaýǵa shaqyrdy. «Qazaqstan Respýblıkasy Sırııanyń Aleppo qalasyna jáne basqa da óńirlerine turaqty gýmanıtarlyq qoljetimdilikti qamtamasyz etý úshin soǵys is-qımyldaryn tolyǵymen toqtatý týraly (2016 jyldyń 12 qyrkúıegi kúni saǵat 00-00-den bastap) ýaǵdalastyqqa jan-jaqty qoldaý bildiredi. Reseı men AQSh arasynda qol jetkizilgen Sırııadaǵy terrorısterge úılestirilgen soqqy jasaý týraly ýaǵdalastyq lańkestik qaýipti tıimdi jáne túbegeıli joıý maqsatyndaǵy tolyqqandy halyqaralyq yntymaqtastyqtyń bastaýy bolady dep esepteımiz. Bul ádis 2015 jyldyń qyrkúıeginde ótken BUU Bas assambleıasynyń mereıtoılyq sessııasy aıasynda Prezıdent Nursultan Nazarbaev usynǵan BUU qamqorlyǵyndaǵy Jahandyq terrorızmge qarsy koalıtsııa (jeli) qurý boıynsha Qazaqstan Respýblıkasynyń bastamasyna saı keledi», - dep atap ótken QR Syrtqy ister mınıstrligi.