Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalary bekitildi
13:49, 16 Aqpan 2013
ASTANA. 16 aqpan. QazAqparat - QR Úkimetiniń qaýlysymen Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalary bekitildi.
QazAqparat qujattyń mátinin taratady.
Qazaqstan Respýblıkasy Úkimetiniń qaýlysy №1602
2012 jylǵy 14 jeltoqsan, Astana, Úkimet Úıi
Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalaryn bekitý týraly
«Qazaqstan Respýblıkasynyń arnaýly memlekettik organdary týraly» 2012 jylǵy 13 aqpandaǵy Qazaqstan Respýblıkasy Zańynyń 84-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalary bekitilsin.
2. Osy qaýly 2013 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.Ahmetov.