Qazaqstan Respýblıkasy Prezıdentiniń «Bolashaq» halyqaralyq stıpendııasynyń taǵaıyndalǵanyna 16 jyl toldy
1993 jylǵy 5 qarasha kúni Memleket basshysy qazaqstandyq talantty jastardy álemniń aldyńǵy qatarly joǵary oqý oryndarynda oqytý jóninde sheshim qabyldady.
Elbasynyń 2005 jylǵy halyqqa Joldaýyndaǵy bolashaqtyqtar sanyn 3000-ǵa deıin arttyrý bastamasyna sáıkes, baǵdarlamany ákimdeý maqsatynda «Halyqaralyq baǵdarlamalar ortalyǵy» AQ-y qurylǵan. Ortalyq búgingi tańda konkýrsqa qatysý úshin úmitkerlerdiń qujattaryn qabyldaý men konkýrstyq irikteýdi uıymdastyrady, stıpendıattardyń sheteldik joǵary oqý oryndarynda bilim alýyn, sondaı-aq olardy oqytý monıtorıngin, qarjylandyrý men beıimdeýdi, Qazaqstandaǵy jazǵy praktıka men taǵylymdamadan ótýin jáne túlekterdi jumysqa ornalastyrýǵa yqpal etip, júzege asyrady.
Búgingi tańda 5 950 adam Qazaqstan Respýblıkasy Prezıdentiniń «Bolashaq» halyqaralyq stıpendııasy ıegeri atanǵan. Álemniń aldyńǵy qatarly joǵary oqý oryndarynda bilim alyp, elge oralǵan 2000-ǵa jýyq «Bolashaq» baǵdarlamasynyń túlekteri búginde memlekettik qyzmette, jergilikti jáne ortalyq qyzmet atqarý organdarynda, halyqaralyq mekemeler men ókildikterde, ulttyq kompanııalarda, qarjy jáne aktsıonerlik qoǵamdarda, bilim salasynda eńbek etip, eldiń damýyna at salysyp júr. 2009 jyly baǵdarlamanyń tarıhynda tuńǵysh ret eń kóp aǵym - 800 stıpendıattyń elge oralýy kútilýde.
Dál qazir 2 960 talantty qazaqstandyq «Bolashaq» baǵdarlamasynyń aıasynda álemniń 27 elindegi Garvard Ýnıversıteti, Dıýk Ýnıversıteti, Kolýmbııa Ýnıversıteti, Indıana Ýnıversıteti, Kembrıdj Ýnıversıteti, Rochester tehnologııa ınstıtýty, Varshava Ýnıversıteti, London bıznes mektebi, Albert Ýnıversıteti, Dandı Ýnıversıteti, M.V.Lomonosov atyndaǵy Máskeý Memlekettik Ýıversıteti sııaqty aldyńǵy qatarly oqý oryndarynda bilim alýda.
Jyl saıyn Qazaqstan Respýblıkasy Prezıdentiniń «Bolashaq» halyqaralyq stıpendııasy ıegeri atanýǵa nıet tanytatyn úmitkerler sany artýda. 16 jyl ýaqyt aralyǵynda 20 000-nan astam úmitker qujat tapsyrǵan. Al 2009 jylǵy konkýrstyq irikteýge 4 057 úmitker qujattaryn tapsyrǵan.