Qazaqstan Respýblıkasy Prezıdentiniń teleradıokesheni «Ólim oshaǵy» derekti fılmin túsirdi

<p>Qazaqstan Respýblıkasy Prezıdentiniń teleradıokesheni &laquo;Ólim oshaǵy&raquo; derekti fılmin túsirdi, dep habarlaıdy <a href="Kazinform" target="_blank" rel="noopener">Kazinform.</a></p>

Fılmde 28 qazanda «ArselorMıttal Temirtaý» kompanııasyna tıesili Kostenko shahtasynda bolǵan qaıǵyly oqıǵa baıandalady. 

Apattyń mán-jaıyn anyqtaý jáne shara qoldaný úshin Memleket basshysy Qasym-Jomart Toqaev Qaraǵandy ​​oblysyna barǵan bolatyn. Prezıdent baqılyq bolǵan kenshilerdiń týǵan-týystary men jaqyndaryna kóńil aıtty. Memleket basshysynyń tapsyrmasy boıynsha olarǵa jan-jaqty kómek kórsetiletin bolady. Sondaı-aq Prezıdent úkimetke «ArselorMıttal Temirtaý» kompanııasyn memleket menshigine qaıtarý jumystaryn júrgizýdi tapsyrdy. 

Búgin, 29 qazanda otandyq telearnalarda «Ólim oshaǵy» derekti fılmi kórsetilip jatyr: 

▪️«Túrkistan» - 17:40

▪️«Habar 24» - 18:15

▪️ «ORT Eýrazııa» - 18:15

▪️«Jetisý» – 18:45

▪️«Almaty TV» – 18:55

▪️«31» arnasy – 19:00

▪️«Jibek joly» - 19:30

▪️«KTK» - 20:30

▪️ «Astana TV» - 20:42

▪️«El arna» – 20:45

▪️«MIR» - 21:00

▪️«Jetinshi arna» - 21:50

Eske sala keteıik, 28 qazan kúni saǵat 2:33-te Qaraǵandy ​​oblysyndaǵy «ArselorMıttal Temirtaý» kompanııasyna tıesili Kostenko shahtasynda jarylys boldy. Apat kezinde shahtada 252 adam bolǵan, 205 kenshi jer betine shyǵarylǵan. Sońǵy málimetter boıynsha, qaza tapqandar sany 45 adamǵa jetken. 

Bas prokýratýra Kostenko atyndaǵy shahtadaǵy oqıǵaǵa qatysty qylmystyq is qozǵady. Boljam boıynsha, kompanııanyń málimetinshe, lavada gaz metanynyń jarylysy bolǵan. Oqıǵa ornynda qutqarý jumystary úzdiksiz jalǵasýda. 

Qazir «ArselorMıttal Temirtaý» AQ-na qarasty 8 shahtanyń jumysy toqtatyldy.

Eske sala keteıik, buǵan deıin Qaraǵandy oblysynyń Kostenko shahtasynda qaza tapǵandar sany 45-ke jetkenin jazǵan bolatynbyz.