Qazaqstan Reseımen shekarany demarkatsııa boıynsha 124 otyrys ótkizdi
21:47, 23 Jeltoqsan 2022
ASTANA. QazAqparat - 19-23 jeltoqsanda Almaty qalasynda Qazaqstan-Reseı birlesken demarkatsııalyq komıssııasynyń júz jıyrma tórtinshi otyrysy ótti. Bul týraly QazAqparat SІM silteme jasap habarlaıdy.
«Taraptar Qazaqstan-Reseı memlekettik shekarasyn demarkatsııalaýdyń qorytyndy qujattarynyń jobalaryn daıyndaýdy jalǵastyrdy. Komıssııanyń 2022 jylǵy jumysyn qorytyndylady, sondaı-aq Komıssııanyń 2023 jylǵa arnalǵan jumysynyń jospar-kestesin bekitti», - delingen mınıstrlik habarlamasynda.
Komıssııanyń kelesi otyrysy 2023 jylǵy qańtar aıynyń sońynda Reseı Federatsııasynyń aýmaǵynda ótedi.
Foto: gov.kz