Qazaqstan reseılik haker Nıkıta Kıslıtsındi óz eline ekstradıtsııalady

<p>F.A.C.C.T. kompanııasynyń qyzmetkeri Nıkıta Kıslıtsın Qazaqstannan Reseıge ekstradıtsııalandy. Bul derekti QR Bas prokýratýrasynyń baspasóz qyzmeti rastady, dep habarlaıdy <a href="https://www.inform.kz/" target="_blank" rel="noopener">Kazinform</a>.&nbsp;</p>

Atap aıtqanda, 2023 jyldyń 21 jeltoqsanynda Kıslıtsın tıisti tártip boıynsha óz eline ekstradıtsııalanǵan.

Budan buryn habarlanǵandaı, 2023 jyly maýsym aıynda Bas prokýratýra Reseı azamaty, ІT salasynyń mamany Nıkıta Kıslıtsın AQSh-tyń suraýy boıynsha Qazaqstanda ustalǵanyn rastaǵan edi.  

Osy rette Qazaqstan jaǵy bul is jan-jaqty zertteletinin málimdegen edi. Osydan keıin ǵana kúdiktini ekstradıtsııalaý nemese bermeý jóninde sheshim jasalatyny aıtyldy.

Sonymen qatar, Reseı jaǵy da kıberqylmysqa qarsy baǵdarlamalyq qamtamasyz etý kompanııasynyń departament basshysy Nıkıta Kıslıtsınge izdeý jarııalady.

Máskeýdiń aýdandyq soty ony qamaýǵa alý jóninde sheshim jasaǵan.

Ol zańmen qorǵalatyn kompıýterlik aqparatqa zańsyz qol jetkizgen degen kúdikke ilingen.