Qazaqstan Reseıge elektr qýatyn nege arzanǵa satyp, keıin qymbatqa alady – KEGOS jaýaby

<p>ASTANA. KAZINFORM &ndash; Qazaqstan Reseıge elektr qýatyn nege arzanǵa satyp, keıin qymbatqa alady? Kompanııa basshylarynyń 2023 jyldy qorytyndylaǵan brıfınginde BAQ ókili osyndaı suraq qoıdy.</p>

«KEGOS» AQ ulttyq elektr jelisi júıelik qyzmetter jáne damytý jónindegi basqarýshy dırektory Nurjan Kerimqulovtyń aıtýynsha, Reseıden ımporttalatyn qýattyń negizgi bóligin maınerler tutynady.

«Bizde elektr qýaty Reseıden maınerler men biryńǵaı satyp alýshy qajetiligine qaraı ımporttaıdy. Maınerler 2023 jyly 1 mlrd 48 mln KVt\saǵ qýat satyp aldy. Biryńǵaı satyp alýshy 1 mlrd 778 mln KVt\saǵ qýat satyp aldy. Bul kelisimsharttar kommertsııalyq bolǵandyqtan baǵasyn bilmeımiz. Byltyr Reseıden 1 mlrd 588 mln KVt\saǵ qýat satyp alynyp, 1 mlrd 329 mln KVt\saǵ qýaty satylǵan. Bul halyqaralyq aǵyndar arqyly júrdi. Ortasha baǵasy 1 KVt\saǵ qýatqa – 19 teńge. Al biz satatyn baǵa 1 KVt\saǵ qýatqa – 6,44 teńge. Baǵada aıyrmashylyq bar. Biraq ol úkimetaralyq kelisimder arqyly retteledi», - dedi ol.

Kompanııanyń basqarma tóraǵasy Nábı Aıtjanov baǵa aıyrmashylyǵynyń nege 3 esegeý jýyq ekenin túsindirdi.

«Biz Reseı Federatsııasynan elektr qýatyn eń belsendi tutynatyn saǵattarda satyp alamyz. Reseıde de teńgerim naryǵy bar. ıAǵnı, elektr qýatynyń tarıfi saǵattarǵa jiktelgen. Qaýyrt saǵat dep otyrǵanymyz – tańǵy jáne keshki ýaqyt. ıAǵnı, biz qaýyrt ýaqyttarda alǵandyqtan qymbatqa satyp alamyz. Iá, bálkim bul Qazaqstan úshin joǵary tarıf bolyp kórinetin shyǵar. Biraq biz ony májbúrlikten alamyz. Óıtkeni bizdegi generatsııa qajettiligimizdi tolyq jaba almaıdy. Al biz Reseıge satqan kezde ózimizdegi basy artyq qýatty jóneltemiz. Mundaı profıtsıt túnde paıda bolady. Reseıge ol qýattyń qajeti shamaly. Biraq biz ony júıelerdiń ózara yqpaldastyǵy aıasynda jóneltip otyramyz. Baǵa aıyrmashylyǵy úlken bolyp kórinedi, biraq bul aıyrmashylyq teńgerim baǵasynan týyndap otyr», - dedi kompanııa basshysy.

Nurjan Kerimqulovtyń aıtýynsha, keıingi úsh jylda Qazaqstanǵa Reseıden ımporttalatyn elektr qýatynyń baǵasy birtindep túsip keledi.

«2021 jyly biz 2023 jylǵydan qymbatqa satyp alaǵan edik. 2022 jyly 1 Kv\saǵ qýatty 24,88 teńgege satyp aldyq. 2023 jyly 19,37 teńgege satyp alǵanbyz», - dedi ol.