Qazaqstan Reseıden on eki Sý-30SM joıǵysh ushaǵyn alady

ASTANA. QazAqparat - Reseı men Qazaqstan on eki Sý-30SM ushaǵyn jetkizý týraly kelisimshartqa qol qoıdy. Bul týraly reseılik TASS agenttigine bergen suhbatynda Reseı prezıdentiniń áskerı-tehnologııalyq yntymaqtastyq máseleleri jónindegi kómekshisi Vladımır Kojın málim etti.

«Iá, «Armııa-2017» halyqaralyq áskerı-tehnıkalyq forýmynda osyndaı shekti kelisim jasaldy. Kelisimniń sharttaryna sáıkes, onyń birinshi jetkizgen sátinen bastap úsh jyl boıy kezeń-kezeńimen júzege asyrylady», - dedi Kojın suraqqa jaýap bere otyryp.

Onyń aıtýynsha, kelisim 2013 jyly «Irkýt» korporatsııasy men «Kazspetseksport» respýblıkalyq memlekettik kásiporny arasyndaǵy tikeleı ózara qarym-qatynasty qamtamasyz etetin Reseı men Qazaqstan arasyndaǵy áskerı-tehnıkalyq yntymaqtastyq týraly kelisim aıasynda júzege asyrylady.

4+ býyndy asa ońtaıly Sý-30SM joıǵyshy fazalanǵan antendik tory bar radıolokatormen, basqarylatyn tartqysh vektory bar qozǵaltqyshpen jáne aldyńǵy kóldeneń qysqa basqarý qanatymen jabdyqtalǵan. Ushaq «áýe - áýe» jáne «áýe - jer beti» zamanaýı jáne perspektıvalyq joǵary dáldiktegi qarýdy qoldanýǵa qabiletti.