Qazaqstan Reseıden iri qara malyn ákelýge ýaqytsha shekteýler engizdi

ASTANA. QazAqparat - Reseı Federatsııasynyń ıAmal-Nenets okrýgi aýmaǵynda sibir jarasynyń taralýy tirkelgen. Búgingi kúnge, Reseı Federatsııasynyń buqaralyq aqparattar quraldary atalǵan okrýgte 2,3 myńnan astam janýar qyrylǵanyn jáne karantın engizilgeni týraly habarlady.

Osy indetke baılanysty adamdarda «túıneme» aýrýy tirkelip, 90-ǵa jýyq adam aýrýhanaǵa jatqyzyldy. 20 azamatta «túıneme» dıagnozy resmı túrde rastaldy. Oǵan qosa, 12 jasar jasóspirimniń osy aýrýdan  kóz jumǵany málim boldy.

Osyǵan oraı, 3 tamyzdan bastap Qazaqstan Respýblıkasy Reseı Federatsııasynan aýyl sharýashylyq janýarlaryn, jabaıy janýarlardy, osy janýarlardan alynǵan genetıkalyq materıaldardy, shıkizaty men ónimderin, múıiz-tuıaq shıkizatyn (múıiz, buǵy múıizi, tuıaq), bylǵary shıkizatyn (jylqy, buǵy jáne jabaıy janýarlar terisi) kirgizýge ýaqytsha shekteýler engizdi, dep habarlady QR Aýyl sharýashylyǵy mınıstrliginiń baspasóz qyzmeti.

Budan basqa, Reseı Federatsııasynyń aýmaǵynda (Astrahan oblysy, Krasnodar ólkesi, Stavropol ólkesi, Qalmaq Respýblıkasy, Ingýsh Respýblıkasy jáne Daǵystan Respýblıkasy) nodýlıarly dermatıt oshaqtarynyń tirkelýine baılanysty QR Aýyl sharýashylyǵy mınıstrligi 2016 jylǵy 4 tamyzdan bastap Reseı Federatsııasynan Qazaqstan Respýblıkasyna múıizdi iri qara mal men nodýlıarly dermatıtine beıim basqa da  janýarlardy, olardan alynǵan genetıkalyq materıaldardy, mpal ónimderin, soıylǵan múıizdi iri qara malynan jáne basqa da nodýlıarly dermatıtine beıim janýarlarynan alynǵan óńdelmegen teri shıkizatyn, iri qara mal jáne basqa da nodýlıarly dermatıtine beıim janýarlaryn asyraý men tasymaldaýǵa arnalǵan qoldanystaǵy bolǵan qural-jabdyǵyn kirgizýge jáne Qazaqstan Respýblıkasy aýmaǵy boıynsha tranzıtine ýaqytsha shekteýler engizedi.