Qazaqstan Reseıden dızel otynyn temir jolmen tasymaldaýǵa bir aıǵa tyıym saldy

ASTANA. QazAqparat - Búginen bastap Qazaqstan Reseı Federatsııasynan dızel otynyn temir jolmen tasymaldaýǵa bir aıǵa shekteý engizdi.

Bul týraly QR Energetıka mınıstrliginiń baspasóz qyzmetinen habarlandy.

«Reseı Federatsııasynan Qazaqstan Respýblıkasyna dızel otynyn (EEO SEQ TN kody 2710 19 350 0 - 2710 19 480 0) temir jol kóligimen ákelýge 2015 jyldyń 20 sáýirinen 20 mamyryna deıingi merzimge tyıym salý engizilsin»,-delingen mınıstrliktiń búgin jarııalaǵan málimetinde.

Qazaqstan Respýblıkasy Energetıka mınıstrligi (QR EM) 2004 jylǵy 12 sáýirdegi «Saýda qyzmetin retteý týraly» Qazaqstan Respýblıkasynyń Zańynyń 18-babynyń 1-tarmaǵyna sáıkes, QR Investıtsııalar jáne damý mınıstrligimen jáne QR Ulttyq ekonomıka mınıstrligimen kelisilgen túrde «Qazaqstan Respýblıkasyna munaı ónimderin jetkizýdiń keıbir máseleleri týraly» buıryqqa qol qoıyldy.

Osy buıryq alǵash resmı jarııalanǵannan kúnnen bastap óz kúshine enedi.