Qazaqstan Reseıdegi aıaq kıimdi tańbalaý kodtaryn ózara tanı bastady
2022 jylǵy 1 aqpannan bastap kúshine enetin QR men RF arasynda tańbalaý kodtaryn ózara tanýdyń ýaqytsha sulbasy iske asyryldy. Bul reseılik aıaq kıimniń qazaqstandyq ımporttaýshylary RF-da tańbalanǵan ónimdi satyp ala alady jáne bul rette ony QR-ǵa ákelý aldynda qaıta tańbaı alady degendi bildiredi. Osyǵan uqsas sulba QR-dan RF-ǵa jetkiziletin aıaq kıimge de qoldanylatyn bolady.
2022 jylǵy sáýirden bastap Qazaqstan, Reseı jáne Belarýs aıaq kıim taýarlaryn tańbalaý kodtaryn ózara tanýǵa qol jetkizý josparlanyp otyr.
Naryqqa yńǵaıly bolý úshin Taraptar QR men RF arasynda tańbalaý kodtaryn tanýdyń ýaqytsha sulbasy týraly kelisimge qol jetkizdi, tańbalaý operatorlary derekter almasýdy jolǵa qoıý boıynsha únemi jumys júrgizýde. Tolyq nusqaýlyq myna saıtta ornalasqan.
Aıta ketsek, Qazaqstanda aıaq kıim taýarlaryn mindetti tsıfrlyq tańbalaý jáne baqylaý 2021 jyldyń 1 qarashasynan bastap engizildi. Reseıde aıaq kıim mindetti túrde 2020 jyldyń 1 shildesinen bastap, al Belarýste 2021 jyldyń 1 qarashasynan bastap belgilenedi.