Qazaqstan Reseıde ótetin qysqy dúnıejúzilik áskerı oıyndarǵa qatysady
Álemniń 26 elinen barlyǵy 2 000 sportshynyń basyn biriktiretin bul jarys Sochı qalasynda ótedi. Jalpy áskerı sportshylar túrli 44 júlde boıynsha jeke jáne komandalyq jarystarda baq synaıdy, dep habarlaıdy QR Qorǵanys mınıstrliginiń baspasóz qyzmeti.
Sporttyq baǵdarlama 7 sport túrinen turady. Olar bıatlon, shańǵy jarysy, taý shańǵysy, shańǵyda sporttyq baǵdarlaý, skı-alpınızm, úı-jaıdyń ishinde bıikke órmeleý, short-trek.
QR QM Armııa ortalyq sport klýbynyń sportshylary aldaǵy jarys boıynsha josparly daıarlyqtan ótti. Sporttyq baǵdarlaý jónindegi komanda oqý-jattyqtyrý jıynymen qatar, QR shańǵyda baǵdarlaý jóninde ashyq Kýbokqa qatysqan. Chempıonat barysynda orta jáne uzaq qashyqtyqtaǵy aralyqty Armııa ortalyq sport klýbynyń sportshylary orta qashyqtyqty baǵyndyrýda qarsylastaryna esh múmkindik qaldyrmastan barlyq medalderdi jeńip aldy, sondaı-aq uzaq qashyqtyqta bir «altyn», eki «kúmis», jáne bir «qola» júldege ıe boldy.
Armııanyń sapyndaǵy bıiktikti baǵyndyrǵandar Dúnıejúzilik áskerı oıyndaryna qatysý úshin kúsheıtilgen daıyndyqtan ótýde. Astanada quzǵa órmeleýden Qazaqstan Kýbogynyń birinshi kezeńi ótti. Nátıjesi boıynsha jyldamdyǵy jaǵynan kishi serjant Nıkıta Devıaterıkov 1 oryn, al onyń inisi kishi serjant Artem Devıaterıkov ekinshi oryn aldy.