Qazaqstan-Reseı jastarynyń bıznes ınkýbatory jyl sońynda iske qosylady
Jıynǵa TMD-nyń 7 elinen jastar uıymdarynyń ókilderi, memlekettik organ qyzmetkerleri jınaldy.
Forýmnyń ashylýynda Qazaqstan-Reseı jastarynyń bıznes áriptestigi týraly QR Qoǵamdyq damý mınıstrligi men Reseıdiń jastar isi jónindegi federaldy agenttik ókilderi sóz qozǵady. Negizinen jastar týrızmi, eriktiler salasy, jastar kásipkerligi máseleleri tilge tıek etildi.
«Jyl sońyna deıin alǵashqy Qazaqstan-Reseı jastar bıznes-ınkýbatory iske qosylady. Reseı memleketiniń atalǵan máselede tájirıbesi molyraq. Reseı men Qytaı arasynda 15 bıznes-ınkýbator jumys jasaıdy. Júrgizilgen taldaýǵa sáıkes, ótken jyldyń qorytyndysy boıynsha jasalǵan mámilelerdiń quny 430 mln dollarǵa jetti. Bıznes-ınkýbator qos taraptyń da basymdyq beriletin salalarynda jumys isteıtin bolady»,- dedi Reseıdiń jastar isi jónindegi federaldy agenttigi halyqaralyq bóliminiń basshysy Dmıtrıı Ivanov.
Atalmysh joba bilim berýdi damytý, jastardy jumyspen qamtý, profıldi oqý oryndarynyń jastar kásipkerligine mán berýine baǵyttalǵan.
2019 jyldan bastap Qazaqstanda joǵarǵy synyp oqýshylary «Kásipkerlik pen bıznes negizderi» pánin oqıtyn bolady. Bıyl birqatar mektepte pılottyq joba iske qosylatyn bolady.