Qazaqstan, Reseı jáne Belarýs keden organdarynyń basshylary KO men BEK qyzmetin damytý máselelerin talqylady
Keden odaǵy: Qazirgi zaman jáne Biryńǵaı ekonomıkalyq keńistigi jaǵdaıyndaǵy bolashaq» atty 3-shi Halyqaralyq ǵylymı-tájirıbelik konferentsııa ótti. Bul týraly QR Qarjy mınıstrligi kedendik baqylaý komıtetiniń baspasóz qyzmeti habarlaıdy.
Keden odaǵy men Biryńǵaı ekonomıkalyq keńistiktiń qyzmeti men odan arǵy damýy máseleleri talqylanǵan konferentsııa jumysyna Qazaqstan Respýblıkasy Keden qyzmetiniń delegatsııasy da qatysty.
Elimizdegi Keden odaǵy sheńberinde jasalyp jatqan jumystar barysymen qazaqstandyq keden qyzmetiniń basshysy Májıt Esenbaev tanystyrdy.
Ol Keden odaǵyna múshe-memleketterdiń tranzıttik áleýetin damytýǵa basty nazar aýdardy. Onyń aıtýynsha, kóliktik logıstıkany damytý Qazaqstandy álemniń Ortalyq Azııa aımaǵy arqyly ótetin qaýipsiz dáliz retinde tanýy úshin aýadaı qajet. «Sondyqtan da Qazaqstannyń tranzıttik áleýetin damytatyn sharalarǵa asa úlken mańyz berilip otyr», - dep atap ótti M. Esenbaev.
Bul jumystar kedendik ákimshilendirý sharalaryn (qajetti qujattardy azaıtý, kedendik operatsııalardy jyldamdatý jáne t.b.) ońtaılandyrý jáne Qazaqstan terrıtorııasynan ótetin tranzıttik marshrýtty paıdalanýǵa yntalandyrýǵa baǵyttalǵan.
Shara barysynda Qazaqstan Respýblıkasy men Belarýs Respýblıkasynyń Keden qyzmetteri basshylarynyń ekijaqty kezdesýi boldy. Onda áriptestik qarym-qatynastardyń kókeıkesti máseleleri talqylandy.