Qazaqstan Reseı gazyn tasymaldaý arqyly tabys tabady
«Bul Qazaqstan úshin tranzıtten qosymsha kiris alýmen baılanysty ońtaıly sát. Biz gaz qubyry júıemizdi jańǵyrtýǵa múmkindik alamyz. Gazdy ishki naryqqa jetkizý Qazaqstan úshin shyǵyn ekenin bilesizdr. Sondyqtan da tranzıtten alynatyn atalǵan qosymsha kiris Qazaqstanǵa júktemeni tómendetýge múmkindik beredi jáne ınvestıtsııalyq jobalardy júzege asyrý úshin turaqty aqsha kirisin qamtamasyz etedi. Qazirgi ýaqytta 1,5-ten 10 mlrd tekshe metrge deıingi kólemde gaz tasymaldaý máselesin talqylap jatyrmyz», - dedi mınıstr Úkimet otyrysynan keıin BAQ ókilderiniń saýalyna oraı.
Onyń atap ótýinshe, munan keıin bári de energııa júıesiniń daıyndyǵyna baılanysty bolady.
«Degenmen, munan keıin bári de ózbek energııa júıesiniń, Gazpromdaǵy reseılik áriptesterimizdiń daıyndyǵyna baılanysty bolmaq. Atalǵan gaz qubyryn jańǵyrtý úshin qosymsha shyǵyndar qajet bolatyndyǵy túsinikti. Biraq, bul «QazaqGaz kompanııasynyń josparly jumysy bolady», - dedi ol.
Osy rette mınıstr gaz tranzıtinen túsetin kiris somasyn ataý erte ekendigin basa aıtty.
«Ázirshe somasyn aıta almaımyn. Ol tranzıt kólemine baılanysty. Indıkatıvti balans anyqtalǵannan keıin tranzıt kólemin bilemiz jáne qandaı kólemde kiris alatyndyǵymyzdy aıta alamyz. Degenmen, kiris bıyldan bastap bolady», - dedi Almasadam Sátqalıev.