Qazaqstan Reseı enshiles bankteriniń qarajatyn buǵattaǵan joq - agenttik

NUR-SULTAN. QazAqparat - Aqparattyq resýrstarda Qazaqstannyń Reseı enshiles bankterindegi qazaqstandyqtardyń qarajatyn buǵattaǵany týraly dáıeksiz aqparat taraǵan. Qarjy naryǵyn retteý jáne damytý agenttigi Reseı bankteri aktıvterin buǵattaý týraly aqparattyń jalǵan ekenin málim etti, dep habarlaıdy QazAqparat.

Agenttik qarjylyq retteýshi retinde klıentterdiń qarajatyn jáne enshiles reseılik bankterdiń aktıvin oqshaýlaý boıynsha eshqandaı shara qabyldaǵan joq jáne qabyldaýǵa quqyly emes.

Agenttiktiń Reseıdiń enshiles bankterinen (Sberbank Qazaqstan AQ, Alfa-Bank Qazaqstan jáne Bank VTB Qazaqstan) alǵan aqparaty boıynsha, sheteldik bankter bankter sheteldik korrespondent-bankterdegi shetel valıýtasyndaǵy korrespondenttik shotyndaǵy qarajatyn buǵattaǵan.

Sheteldik korrespondent-bankterdegi Reseıdiń enshiles bankteriniń oqshaýlanǵan qarajaty - 9,2 mlrd teńge.

Onyń 2,7 mlrd teńgesi – Sberbank Qazaqstanǵa, 6,2 mlrd teńge – Alfa-Bank Qazaqstanǵa jáne 0,3 mlrd teńge – Bank VTB Qazaqstanǵa tıesili.

Budan basqa, sheteldik korrespondent-bankter Sberbank Qazaqstan klıentteriniń 2,9 mlrd teńge somaǵa jáne Alfa-Bank Qazaqstan klıentteriniń 3,9 mlrd teńgege tólem operatsııalaryn buǵattaǵan.

Qazirgi ýaqytta bankter klıentterge kontragent banktermen kelissóz júrgizý jáne tıisti ótinish daıyndaý arqyly olardyń qarajatyn qaıtarýǵa járdemdesip jatyr.

Agenttik óz tarapynan banktermen birlesip, Reseıdiń enshiles bankteri klıentteriniń buǵattalǵan qarajatyn qaıtarý barysyn qadaǵalaıdy.