Qazaqstan-Reseı birlesken «Soıýz-5» zymyranyn ushyrýǵa daıyndyq bastaldy
Stantsııanyń jumysy 1998 jyly 20 qarashada «Proton-K» zymyran tasyǵyshy orbıtaǵa bolashaq «Zarıa» stantsııasynyń birinshi reseılik modýlin shyǵarǵan kezden bastalady. Sodan keıin stantsııalardyń jeke modýlderi eki jyl boıy orbıtaǵa jetkizildi jáne 2000 jyldyń qarasha aıynda stantsııaǵa birinshi negizgi ekspedıtsııa keldi. Osy ýaqyttan bastap halyqaralyq ǵarysh stantsııasy úzdiksiz jumys istep keledi.
«Qazaqstannyń ǵaryshqa ushý tarıhy 1990 jyldardan bastaý alatyny belgili. Men 2015 jyly ushyp, onda 5 ǵylymı ǵarysh baǵdarlamasyn júzege asyrdym. Ǵarysh baǵdarlamasy «Mır» stantsııasynda júzege asyryldy. Ǵylymı jumystar ǵaryshtyq keńistiktiń tiri jan aǵzasyna, onyń ishinde adamǵa áseri men jer sharyna tıgizetin qaýpi jáne onyń aldyn alý sekildi máselelerdi qamtydy», - dedi ushqysh-ǵaryshker, «Qazaqstan ǵarysh sapary UK» AQ vıtse-prezıdenti Aıdyn Aıymbetov baspasóz máslıhatynda.
Sonymen qatar, ushqysh áýe keńistiginiń adamnyń emotsıonaldy-psıhologııalyq qasıetterine qalaı áser etetinin de aıtyp ótti.
«Ǵarysh salasyndaǵy Qazaqstan-Reseı yntymaqtastyǵynyń bir kórinisi - «Soıýz-5» jańa klasty zymyrandaryn ushyrýǵa arnalǵan «Báıterek» zamanaýı zymyran kesheni. Búginde joba qarqyndy júzege asyrylyp jatyr. Jańa keshen «Baıqońyr» ǵarysh aılaǵynda ornalasady. Keshen jobasy eki el prezıdentteriniń qatysýymen Petropavlda ótken forýmda tanystyryldy», - dedi ol.
Búginde HǴS jobalaryna bes negizgi álemdik ǵarysh uıymy birlesip qatysady, olar - «Roskosmos» (Reseı), «NASA» (AQSh), «JAXA» (Japonııa), «ESA» (Eýropalyq Odaq) jáne «CSA» (Kanada). Halyqaralyq ǵarysh stantsııasy 14 modýlden turady, al stantsııanyń jalpy kólemi fýtbol alańymen birdeı. Salmaǵy - 400 tonna. Bir táýlik ishinde jer sharyn saǵatyna 27 myń shaqyrym jyldamdyqpen, shamamen 16 ret aınalady.