Qazaqstan Reseı arqyly Germanııaǵa munaı tasymalynyń toqtatylǵanyn joqqa shyǵardy

<p>ASTANA. KAZINFORM - Qazaqstannyń Energetıka mınıstrligi tólem máselesine baılanysty Reseı arqyly Germanııaǵa jetkiziletin munaı tasymalynyń toqtatylǵanyn joqqa shyǵardy.</p>

Osyǵan deıin Reuters agenttigi Reseı Qazaqstan tarapyn tólem máselesine baılanysty Germanııaǵa munaı tasymaly 2024 jyldyń maýsymynan bastap toqtatylatyny týraly eskertti, degen aqparat taratqan bolatyn.

Onda atalǵan servıs kelisiminiń merzimi 5-maýsym kúni aıaqtalatyny aıtylǵan. Alaıda kelisimniń sharttary men Reseı alǵysy keletin qarjy kólemi týraly eshteńe aıtylmaǵan.

«Transneft» keıingi aptada qazaqstandyq tasymaldaýshylarǵa Polshanyń memlekettik qubyr jelisi operatory PERN-niń óziniń Polsha-Belarýs shekarasyndaǵy Adamov bazasynda gazdy ólsheý boıynsha qyzmetiniń qunyn úsh saýda kózderi boıynsha maýsym aıyna deıin tóleýi qajettigi týraly eskertken», - dep habarlady Reuters.

Qazaqstannyń Energetıka mınıstrligi bul aqparatty rastamady.

«Bizde mundaı aqparat joq», - dep málimdedi QR Energetıka mınıstrliginiń resmı ókili Shyńǵys Іlııasov.