Qazaqstan reformalar úshin pisip jetildi - saıasattanýshy

ASTANA. QazAqparat - Parlamenttiń rólin kúsheıtý men Úkimettiń ókilettigin keńeıtý qadamdary obektıvti sebepter negizinde jasalmaq. Bundaı pikirdi saıasattanýshy Bolat Baıqadamov bildirdi, dep habarlaıdy QazAqparat.

«Eldiń demokratııalyq damýy máselesin sheshetin oqıǵalar oryn alýda. Prezıdent óz tarapynan aldaǵy jyldary júzege asyrylatyn qadamdardy jarııa etti. Bul rette Parlamentti kúsheıtý, Úkimettiń ókilettigin keńeıtý baǵyttary  qamtylyp otyr, ıaǵnı bılik tarmaqtary arasynda is júzinde jańa teńgerim qalyptaspaq. Osy qadamdar obektıvti sebepter nátıjesinde iske asyrylýda. Jalpy, memleket bundaı reformalardy, ózgeristerdi júrgizý úshin pisip jetildi», - dedi Baıqadamov.

Onyń sózine qaraǵanda, Úkimetti jasaqtaýda Parlamenttiń róli kúsheıtiletini týraly qadam mańyzdy bolyp tabylady. Elde salmaqty ekonomıkalyq-saıası ózgerister bolatyndyǵy baıqalyp totyr.

Aıta keteıik, keshe QR Prezıdenti Nursultan Nazarbaev otandyq telearnalar arqyly bılik tarmaqtary arasynda ókilettikterdi bólý máseleleri jónindegi úndeýin jarııa etti. Onda Prezıdenttiń  áleýmettik-ekonomıkalyq protsesterdi retteýdegi birshama ókiletterin Úkimetke jáne basqa da atqarýshy organdarǵa berý, Úkimetti jasaqtaýda Parlamenttiń rólin kúsheıtý qarastyrylǵan.