Qazaqstan iri halyqaralyq IT kompanııalardyń keńsesi ornalasatyn aýmaq bolýǵa tıis - Toqaev

<p>Qazaqstan iri halyqaralyq IT kompanııalardyń keńseleri ornalasatyn aýmaq bola alady jáne bolýǵa tıis. Bul týraly &laquo;Altyn Sapa&raquo; jáne &laquo;Paryz&raquo; syılyqtarynyń ıegerlerin marapattaý rásiminde Prezıdent Qasym-Jomart Toqaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Elimiz jahandyq tsıfrlyq tehnologııa ortalyǵy retindegi ornyn nyǵaıtýy kerek. Qazaqstan iri halyqaralyq IT kompanııalardyń keńseleri ornalasatyn aýmaq bola alady jáne bolýǵa tıis. Munyń bári – bizdiń jumysymyzdyń mindetteri men naqty nátıjeleriniń az ǵana bóligi. Barlyq saladaǵy ózgeristerdiń qarqynyn arttyryp, odan ári damyta berýge mindettimiz. Túrli salada qordalanǵan problemalar az emes. Bul jaǵdaıǵa azamattardyń alańdaýy – zańdylyq», - dedi Prezıdent.

Memleket basshysy Úkimettiń kún saıynǵy jáne júıeli jumystarynyń nátıjesinde barlyq ózekti másele birtindep sheshilip kele jatqanyn aıtty.

«Degenmen elimizdiń damý jolynda qýatty serpilis jasaý úshin kúndelikti máselelerdi sheship qana qoımaı, memleketimizdiń bolashaǵyna qatysty ózindik ustanymymyzdy anyqtaý, ulttyń jańa sapasyn qalyptastyrý, jekelegen jáne ujymdyq qundylyqtar júıesin jetildirý mańyzdy», - dedi Qasym-Jomart Toqaev.