Qazaqstan prokýrorlary qytaılyq áriptesterimen Úrimjide kezdesti

ASTANA. QazAqparat - Qytaıdyń Úrimji qalasynda Qazaqstannyń Bas prokýratýrasy jáne Qytaıdyń Joǵarǵy Halyq prokýratýrasy ókilderiniń kezekti shekara kezdesýi ótti, dep habarlaıdy QazAqparat QR Bas prokýratýranyń baspasóz qyzmetine silteme jasap.

Kezdesý barysynda yntymaqtastyqtyń ózekti máseleleri talqylandy, qylmysqa qarsy kúres, onyń ishinde terrorızmge jáne ekstremızmge qarsy is-qımyl salasynda tájirıbelerimen bólisti.

«Jalpy eki el arasynda ózekti máseleler boıynsha áleýetti, quqyq qorǵaý jáne arnaıy qyzmetterdiń jelisi boıynsha strategııalyq seriktestik qalyptasty. Ekijaqty qatynastarǵa jańa serpin bergen ShYU qatysýshylarynyń bas prokýrorlarynyń 15-shi otyrysy sheńberinde Sankt-Peterbýrgte 2017 jylǵy qarashada eki eldiń bas prokýratýralary qol qoıǵan Yntymaqtastyq týraly memorandým jáne Shekaralas yntymaqtastyq týraly kelisim paıda boldy», - delingen habarlamada.
Qazaqstandyq delegatsııanyń ókilderi qylmystyq ister jáne sottalǵandardy ustap berý boıynsha halyqaralyq-quqyqtyq kómek kórsetý máselelerin qaraýda kómek kórsetkeni úshin sheteldik áriptesterge alǵys bildirdi.
Sońǵy eki jylda Qytaıdan Qazaqstanǵa odan ári jazany óteý úshin Qytaı soty sottaǵan 15 qazaqstandyq elge jetkizildi.
Іs-shara júrgizilgen shekara kezdesýiniń hattamasyna qol qoıýymen aıaqtaldy.
Aıta ketý kerek, bul eki eldiń qadaǵalaý organdarynyń ekinshi kezdesýi. Olar 2017 jylǵy jeltoqsanda Almaty qalasynda ótken edi.