Qazaqstan Prezıdentiniń Arnaýly ýákili B. Áıtimova Irlandııada saparda boldy
Sapardyń negizgi maqsaty BUU Qaýipsizdik Keńesiniń 2017-2018 jyldarǵa turaqty emes músheligine Qazaqstan kandıdatýrasyn ilgeriletý, sondaı-aq eki el arasyndaǵy ekijaqty yntymaqtastyqtyń qazirgi jaǵdaıy men keleshegin talqylaý bolatyn.
Sapar baǵdarlamasy aıasynda B.Áıtimova Irlandııa Parlamenti Senatynyń Tóraǵasy Peddı Berkpen kezdesip, oǵan ekijaqty qatynastardy odan ári damytý, sondaı-aq 2017-2018 jyldarǵa turaqty emes músheligine Qazaqstan kandıdatýrasyn qoldaý týraly Qazaqstan Prezıdenti N.Nazarbaevtyń Irlandııa basshysy M.Hınnınske arnalǵan joldaýyn tabys etti.
P.Berk óz tarapynan joldaýǵa alǵysyn aıta otyryp, táýelsizdik kezeńinde ishki saıasatta da, syrtqy saıasatta da Qazaqstan qol jetkizgen eleýli jetistikterdi atap ótti.
Kezdesý barysynda taraptar saıası jáne ekonomıka salalaryndaǵy ekijaqty qatynastardy damytýdyń keleshegin talqylady. Taraptar aımaqtyq jáne halyqaralyq kún tártibindegi ózekti máseleler boıynsha kózqarastardyń uqsastyǵyn aıta kelip, eki eldiń áleýetin eskere otyryp saýda jáne ınvestıtsııalyq ahýaldy údetý qajettigin atap ótti.
Irlandııa Parlamenti Halyqaralyq ister jáne saýda jónindegi birlesken komıtetiniń tóraǵasy P.Brınmen kezdesýde parlamentaralyq, onyń ishinde ózara áriptestikti damytýdyń mańyzdy quraly bolyp tabylatyn parlamenttik dostyq tobynyń baılanystary boıynsha únqatysýdy qalyptastyrýdyń mańyzdylyǵy atalyp ótildi.
Irlandııa SІM Saıası dırektory B.Robınsonmen jáne BUU máseleleri jónindegi dırektory K.Kellımen kezdesý barysynda BUU aıasyndaǵy ekijaqty yntymaqtastyqty, sondaı-aq taraptar BUU Bas Assambleıasynyń kún tártibi boıynsha máselelerdi talqylady.
Bolǵan kezdesýlerdiń bárinde ırland tarapy Qazaqstandaǵy qazirgi kezdegi áleýmettik-ekonomıkalyq jaǵdaımen, Qazaqstan Respýblıkasynyń Prezıdenti N.Nazarbaevtyń «Nurly jol - bolashaqqa bastar jol» Qazaqstan halqyna Joldaýy men «Qazaqstan - 2050» Strategııasynyń negizgi erejelerimen, sondaı-aq qazirgi kezdegi ınvestııalyq múmkindikterimen tanystyryldy jáne Astanada ótetin EKSPO-2017 kórmesine qatysýǵa shaqyryldy.