Qazaqstan Prezıdentiniń AQSh-qa saparynan ne kútýge bolady - sarapshy pikiri
Sarapshynyń paıymynsha, sapar qorytyndysynda birqatar mańyzdy qujattarǵa qol qoıylatyn bolady. Atalǵan qujattar ekijaqty yntymaqtastyqqa tyń serpin beredi.
«Búgingi kúni barynsha basymdyqqa ıe sala ekonomıkalyq ózara is-qımyl bolyp otyr. Belsendi saıası dıalogtyń oryn alǵanyna qaramastan ekonomıkalyq baılanystar tym tómen deńgeıde qalyp otyr. 2017 jyldyń qorytyndysynda ózara saýda-sattyq kólemi shamamen 1,7 mlrd dollardy qurady. Al bul bizdiń qarym-qatynasymyzdyń áleýetine múldem jaýap bere almaıdy. Sondyqtan da dál osy baǵytta jańa ádister ázirlenetin sııaqty», - dedi J.Sarabekov.
Onyń aıtýynsha, Qazaqstan úshin AQSh ınvestıtsııa, tehnologııalar transferti turǵysyna zor qyzyǵýshylyq týdyrady. Sebebi amerıkalyq kompanııalar bul salaǵa qajetti joǵary tehnologııalarǵa ıe.
Sonymen qatar sarapshy óńirlik qaýipsizdikti qamtamasyz etý de mańyzdy máselelerdiń biri ekendigine nazar aýdartty.
«Terrorızm men ekstremızmmen kúreste Qazaqstan men AQSh múddesi ortaq. Árıne, Aýǵanstanǵa qatysty yntymaqtastyq ta qalyp, óz jalǵasyn taba beredi. Gýmanıtarlyq saladaǵy yntymaqtastyqtyń da orny erekshe», - dedi sarapshy.