Qazaqstan Prezıdenti Vashıngtonda AQSh memlekettik agenttiginiń prezıdentimen kezdesti

ASTANA. QazAqparat - Qazaqstan Prezıdenti «Sheteldik jeke ınvestıtsııalar jónindegi Korporatsııa» (OPIC) memlekettik agenttiginiń prezıdenti Reı Ýoshbernmen kezdesti, dep habarlaıdy Aqordanyń baspasóz qyzmeti. 

Memleket basshysy áńgime barysynda kezdesýdiń mańyzdylyǵyna toqtalyp, qazirgi ýaqytta Qazaqstanda júzege asyrylyp jatqan ekonomıkalyq jobalar jóninde aıtty.

«Biz «Tsıfrlyq Qazaqstan» baǵdarlamasyn júzege asyryp jatyrmyz. Halyqaralyq  «EKSPO-2017» kórmesin ótkizdik. Kórme ınfraqurylymynyń bazasynda «Astana» halyqaralyq qarjy ortalyǵyn quramyz. Onyń barlyq qatysýshylaryna aıryqsha jeńildikter qarastyrylǵan», - dedi Qazaqstan Prezıdenti.

Nursultan Nazarbaev ınvestıtsııa salasyndaǵy qatynastardy nyǵaıtýdyń jáne ózara tıimdi ekonomıkalyq jobalardy júzege asyrýdyń mańyzdylyǵyn atap ótti.

R.Ýoshbern «EKSPO-2017» kórmesinen alǵan áserimen bólisip, aldaǵy ýaqytta Qazaqstannyń «Kazakh Invest» kompanııasymen yntymaqtastyq týraly memorandýmǵa qol qoıylatynyn aıtty.