Qazaqstan Prezıdenti Lassına Zerbomen kezdesti

ASTANA. QazAqparat - Qazaqstan Prezıdenti ıAdrolyq synaqtarǵa jalpyǵa birdeı tyıym salý týraly shart uıymy Daıyndyq komıssııasynyń atqarýshy hatshysy Lassına Zerbomen kezdesti. dep habarlaıdy Aqordanyń baspasóz qyzmeti.

Memleket basshysy búgingi kezdesý ıAdrolyq synaqtarǵa qarsy halyqaralyq is-qımyl kúni ótip otyrǵanyna toqtalyp, bul kúndi belgileýge Qazaqstannyń bastamashy bolǵanyn aıtty.

«Bári de 1991 jylǵy 29 tamyzda álemdegi eń iri ıadrolyq synaq alańynyń jabylýynan bastalǵan bolatyn. Sodan keıin Nevadada jáne basqa da polıgondarda synaqtar toqtatyldy. Biz ıadrolyq qarý-jaraqtan bas tarttyq jáne sonyń arqasynda antııadrolyq qozǵalys kóshbasshylarynyń qataryna qosyldyq», - dedi Nursultan Nazarbaev.

Lassına Zerbo Qazaqstan Prezıdentimen kezdesýdiń osy kúni ótýiniń sımvoldyq mánin atap ótip, ózi jetekshilik etetin uıymnyń jer betindegi ıadrolyq synaqtarǵa qarsy turý jáne beıbitshilikti saqtaý jolynda kúsh jumyldyra beretinin málimdedi.

Memleket basshysy kezdesý sońynda Qazaqstannyń antııadrolyq bastamalaryna únemi atsalysyp júrgeni úshin L.Zerboǵa alǵys bildirdi.