Qazaqstan Prezıdenti ǵalymdarǵa IYU-nyń arnaıy syılyǵyn tabystady
«Men ǵylym men tehnologııalardy damytýǵa zor úles qosqan ıslam elderiniń ǵalymdaryna arnaıy Qazaqstannyń syılyǵyn taǵaıyndaýdy usynǵan edim. Bul bastamamdy keıinge qaldyrmaý úshin bizdiń el Islam yntymaqtastyq uıymynyń bas hatshylyǵymen birge ıslam elderiniń úzdik ǵalymdaryn iriktep, olardy sammıtke shaqyrdyq. Endi sol syılyqty tartý etý rásimin bastaýǵa ruqsat etińizder», - dedi Elbasy.
Sonymen ǵylym men tehnologııalar salasynyń damýyna qosqan úlesi úshin Islam yntymaqtastyq uıymynyń arnaıy syılyǵy Ystanbul tehnıkalyq ýnıversıteti hımııa fakýltetiniń professory ıÝsýf ıAgjyǵa polımerler salasyndaǵy ǵylymı eńbegi úshin, Korol Abdalla atyndaǵy ǵylym jáne tehnologııa ýnıversıtetiniń professory Mýhammed Salım Aloýınıge elektr tehnıkasy salasynda jasaǵan ǵylymı eńbegi úshin, Gambııa medıtsınalyq zertteý ortalyǵynyń aǵa menedjeri Assan Jaıege vırýs ımmýnologııasy jáne medıtsına mamandaryn daıarlaý salasynda jasaǵan ǵylymı eńbegi úshin, 5-shi Muhammed atyndaǵy ýnıversıtettiń professory Raııa Chırkaýı ál-Mýrslıge ıadrolyq fızıka salasynda jasaǵan ǵylymı eńbegi úshin, QR BǴM Ǵylym komıteti «Ulttyq bıotehnologııa ortalyǵy» RMK-nyń bas dırektory Erlan Ramanqulovqa bıotehnologııalar salasynda jasaǵan ǵylymı eńbekteri úshin berildi.