Qazaqstan Prezıdenti Ál-Azhardyń Bas ımamymen kezdesti

ASTANA. QazAqparat - Qazaqstan Prezıdenti Ál-Azhardyń Bas ımamy Sheıh Ahmad at-Taıebpen kezdesti, dep habarlaıdy Aqordanyń baspasóz qyzmeti.

Nursultan Nazarbaev Bas ımamǵa iltıpat bildirip, mundaı joǵary deńgeıdegi qonaqtardyń Álemdik jáne dástúrli dinder kóshbasshylarynyń VI sezine qatysýynyń Qazaqstan úshin mańyzy zor ekenin atap ótti.

«Bizdi Ál-Azhar ýnıversıtetimen erteden ornaǵan qarym-qatynastar baılanystyrady ári onyń ǵalymdarynyń eńbekterimen tanyspyz. Sizdiń sezge qatysýyńyz ortaq isimizge qosylǵan zor úles bolatynyna senimdimin», - dedi Memleket basshysy.

Sheıh Ahmad at-Taıeb forýmǵa shaqyrǵany úshin Qazaqstan Prezıdentine alǵys bildirdi.

«Meniń Qazaqstanǵa alǵash saparmen kelgen kezimnen beri Astana qatty ózgergen. Munda kóptegen ádemi ǵımarattar boı kóteripti», - dedi din qyzmetkeri.

Kezdesý barysynda taraptar konfessııaaralyq dıalogtyń ózekti máseleleri men ony ári qaraı damytý perspektıvalaryn talqylady.