Qazaqstan Prezıdenti AQSh-taǵy ahýalǵa qatysty pikir bildirdi

NUR-SULTAN. QazAqparat – QR Prezıdenti Qasym-Jomart Toqaev AQSh-ta Prezıdent saılaýynan keıin oryn alǵan ahýalǵa qatysty pikir bildirdi, dep habarlaıdy QazAqparat tilshisi.

«Álbette, búkil álem sııaqty Qazaqstan da Amerıka Qurama Shtattarynda oryn alǵan jaıtty jiti baqylap otyr. Saılanǵan Prezıdent Djo Baıden jasaǵan qorytyndymen kelisý qajet dep sanaımyn. Amerıkalyq demokratııanyń qamaly – Kapıtolııany basyp alý zańsyzdyq ekstremızm ekendigi sózsiz. Zańsyzdyq pen ekstremızmge qatysty tıisti shara qoldanylýy tıis. AQSh Prezıdenti Djo Baıden jasaǵan qorytyndy ózge de elderge qatysty qoldanylady dep úmittenemin. Jáne de bul qorytyndy ámbebap bolady», - dedi Qasym-Jomart Toqaev elordadaǵy Oqýshylar saraıynda ornalasqan №58 saılaý ýchaskesinde tańdaý jasaǵannan keıin BAQ ókilderine bergen suhbatynda.

Sonymen qatar Memleket basshysy Qazaqstan men AQSh arasyndaǵy qarym-qatynas turaqty damı túsetindigin basa aıtty.

«AQSh 1991 jyly Qazaqstannyń táýelsizdigin moıyndaǵan alǵashqy elderdiń biri boldy. Sondyqtan bizdiń tarapymyzdan ózara qarym-qatynastarymyzda jınaqtalǵan barlyq pozıtıvti saqtaýǵa jáne alǵa jyljýǵa qajetti kúsh-jiger qabyldanady», - dedi QR Prezıdenti.